რუსეთის საგარეო საქმეთა მინისტრის, სერგეი ლავროვის განცხადებით, ამერიკის შეერთებული შტატების სახელმწიფო მდივანთან რექს ტილერსონთან მოლაპარაკებების დროს სირიასთან დაკავშირებით მათი პოზიციები დაემთხვა, - ამის შესახებ Interfax იუწყება.

როგორც ლავროვმა აღნიშნა, ორივე ქვეყანა შეთანხმდა იმაზე, რომ ახალი დარტყმები სირიაზე არ უნდა განხორციელდეს. ლავროვმა აშშ-ის სახელწიფო მდივანთან შეხვედრა შეაფასა, როგორც ნაყოფიერი. 

ცნობისთვის, 12 მარტს რექს ტილერსონი რუსეთის პრეზიდენტს, ვლადიმერ პუტინს მოსკოვში შეხვდა. შეხვედრას სერგეი ლავროვიც ესწრებოდა, რომლის დასრულების შემდეგაც მან განაცხადა, რომ მოსკოვს აშშ-სთან ურთიერთობებში პრობლემების მოხსნა სურს.

შეგახსენებთ, რომ 4 აპრილს სირიის პროვინცია იდლიბში სავარაუდოდ ასადის ხელისუფლებამ ქიმიური იარაღი გამოიყენა, რის შედეგადაც 88 ადამიანი დაიღუპა. 3 დღის შემდეგ აშშ-მ სირიის ხელისუფლების ავიაბაზაზე იერიში მიიტანა, რის შედეგადაც 9 ადამიანი დაიღუპა. 

სირიის ტერიტორიაზე ავიაიერიშები ბარაკ ობამამ 2014 წელს დაიწყო - სამიზნე მხოლოდ "ისლამური სახელმწიფოს ობიექტები" იყო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ძმებ ფეიქრიშვილებზე: გამოძიება დაადგენს, მათ შორის, ციხის ადმინისტრაციის შესაძლო როლსაც

კობახიძე - გიორგი ნემსაძის გარდაცვალება უდიდესი დანაკარგია ქართული ფეხბურთისთვის

ნაკრების ყოფილი კაპიტანი გიორგი ნემსაძე 54 წლის ასაკში გარდაიცვალა

საკონსტიტუციო სასამართლოს სხდომიდან გააძევეს ხატია დეკანოიძე - ივანიშვილის დაკითხვის შუამდგომლობა არ დაკმაყოფილდა