პარლამენტის თავმჯდომარის ირაკლის კობახიძის განცხადებით, სახალხო არტისტი გივი ბერიკაშვილი უაღრესად სუფთა ადამიანი იყო და მან მთელ საზოგადოებას გული დაწყვიტა.

როგორც კობახიძემ ჟურნალისტებს განუცხადა, გივი ბერიკაშვილის ღვაწლი ქართული კინოსა და თეატრის წინაშე ფასდაუდებელია.

„ყველას დაგვწყვიტა გული ბატონი გივის გარდაცვალებამ. ეს იყო უაღრესად სუფთა და ყველასთან საყვარელი ადამიანი. ფასდაუდებელია ბატონი გივის ღვაწლი ქართული კინოს, თეატრისა და ზოგადად ქართული კულტურის წინაშე“,-განაცხადა კობახიძემ.

ცნობისთვის, გივი ბერიკაშვილის სამოქალაქო პანაშვიდი დასრულდა. გარდაცვლილის ოჯახს კოლეგებმა, მეგობრებმა, პოლიტიკოსებმა და რიგითმა მოქალაქეებმა მიუსამძიმრეს.

სამოქალაქო პანაშვიდს ყოფილი პრემიერ-მინისტრები ბიძინა ივანიშვილი და ირაკლი ღარიბაშვილი, ასევე მოქმედი პრემიერი გიორგი კვირიკაშვილი, საკანონმდებლო და აღმასრულებელი ხელისუფლების წარმომადგენლები დაესწრნენ.

გივი ბერიკაშვილს 15:00 საათზე, საბურთალოზე, ამაღლების ეკლესიის ეზოში დაკრძალავენ.

შეგახსენებთ, მსახიობი გივი ბერიკაშვილი 83 წლის ასაკში გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეროს უშიშროების საბჭო რუსეთს ჯარების გაყვანისა და ოკუპაციის დასრულებისკენ მოუწოდებს

რუსთაველის რეაბილიტაციის გამო კალაძე მოსახლეობას ორთვიანი მოთმინებისკენ მოუწოდებს

ალასკაში ჩარტერული თვითმფრინავის ჩამოვარდნის შედეგად ბორტზე მყოფი 8 პირი დაიღუპა

საწვავის დეფიციტის ფონზე ოკუპირებულ აფხაზეთში რუსეთიდან ბენზინის პარტია შედის