საქართველოს თავდაცვის მინისტრის ლევან იზორიას განცხადებით, ოპტიმიზაცია 2000-მდე ადამიანს შეეხო.

კერძოდ, იზორიას  განმარტებით, ოპტიმიზაცია შეეხო ძირითადად,  სამოქალაქო პირებს, რომლებიც ე.წ.   ვარსკვლავიან თანამდებობაზე იყვნენ დანიშნულები და მათ,  ვინც თავდაცვის უწყებაში ხელშეკრულებით იყო გაფორმებული.

იზორიას თქმით, ე.წ. ვარსკვლავიანი თანამდებობა თავდაცვის სამინისტროში დღეს გაუქმებულია.  მინისტრის განცხადებით,  ე.წ. ვარსკვლავიან თანამდებობაზე არავითარი საკვალიფიკაციო მოთხოვნა არ იყო გათვალისწინებული:

 „წლების განმავლობაში თავდაცვის უწყებაში არსებობდა მახინჯი სისტემა, სხვადასხვა სახელი ჰქონდა, მე შემოვიფარგლები ერთი სახელით, ე.წ. ვარსკვლავიანი თანამდებობების. იცით, რომ გარკვეულ თანამდებობაზე დანიშვნა აყენებს საკვალიფიკაციო მოთხოვნებს, ასეთ თანამდებობებზე არავითარი საკვალიფიკაციო მოთხოვნა არ იყო გათვალისწინებული, ანუ, მინისტრს თვითნებურად, ყოველგვარი კვალიფიკაციის გარეშე, შეეძლო დაენიშნა პიროვნება, როგორც სამხედრო, ისე სამოქალაქო და ასეთი ადამიანების რაოდენობამ თავდაცვის უწყებაში მიაღწია 3200 ადამიანს. ეს უპრეცედენტოა. ეს სისტემა არის ერთხელ და სამუდამოდ აღმოსაფხვრელი, სიამაყით მინდა გითხრათ, რომ არც ერთი ვარსკვლავიანი თანამდებობა დღეს არ არსებობს. ვარსკვლავიანი ინსტიტუტის გაუქმება მოხდა თავდაცვის უწყებაში და სწორედ ამ კატეგორიაზე მოვახდინეთ ფოკუსირება. გადავწყვიტეთ, 2016 წლის მიწურულს შეგვექმნა კომისია, ქვეკომისიები, დაახლოებით 26 შეიქმნა სპეციალისტების მოწვევით, რათა დაგვედგინა მათი კვალიფიკაცია. ბევრი მათგანი გვჭირდება და დავტოვეთ და დაახლოებით 1350 ადამიანი გადავიყვანეთ კადრების განკარგულებაში, თუმცა კადრების განკარგულებაში გადაყვანა ავტომატურად მათ გათავისუფლებას არ ნიშნავს, ჩვენ გვაქვს პრეცედენტები, როდესაც კადრების განკარგულებაში გადაყვანილ პერსონალს ჩვენი ფუნქციური დატვირთვიდან გამომდინარე ვაბრუნებთ, რამდენიმე ასეულ შემთხვევას ჰქონდა ადგილი. დანარჩენი 400 ადამიანი ხელშეკრულებით იყო, ვადა ეწურებოდათ დეკემბერში“,-აღნიშნა ლევან იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times