უკრაინა ოკუპირებულ ცხინვალში დე-ფაქტო არჩევნებსა და ე.წ რეფერენდუმს გმობს

2017-04-10 17:13:57, 947 ნახვა

რეგიონი

უკრაინის საგარეო საქმეთა მინისტრის პაველ კლიმკინის შეფასებით, ოკუპირებულ სამხრეთ ოსეთში ჩატარებული დე-ფაქტო საპრეზიდენტო არჩევნები და ე.წ რეფერენდუმი არალეგიტიმურია.

როგორც უკრაინის მინისტრმა აღნიშნა, ის საქართველოს რეგიონში რუსი ოკუპანტების ქმედებებს გმობს.

"მკაფიოდ ვგმობ რუსი ოკუპანტების არალეგიტიმურ ქმედებებს საქართველოს რეგიონში, კერძოდ კი ოკუპირებულ ცხინვალში. განსაკუთრებით ცინიკურია, რომ ეს ყველაფერი 9 აპრილის ტრაგედიას დაემთხვა", - დასძინა პაველ კლიმკინმა.

შეგახსენებთ, რომ გუშინ ოკუპირებულ სამხრეთ ოსეთში დე-ფაქტო საპრეზიდენტო არჩევნები ჩატარდა. წინასწარი მონაცემებით ე.წ არჩევნებში დე-ფაქტო პარლამენტის სპიკერი ანატოლი ბიბილოვი ლიდერობს. გარდა დე-ფაქტო არჩევნებისა, ოკუპირებულ რეგიონში ე.წ რეფერენდუმიც გაიმართა, რომელიც სახელის შევლას უკავშირდება. ამომრჩეველთა 70% სახელის ცვლილებას მხარი დაუჭირა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან