ბაშარ ალ-ასადი: აშშ-ის მიერ საავიაციო ბაზაზე თავდასხმა სულელური და უპასუხისმგებლოა

2017-04-07 16:58:32, 2373 ნახვა

მსოფლიო

სირიის პრეზიდენტის ბაშარ ალ-ასადის განცხადებით, ამერიკის შეერთებული შტატების მიერ საავიაციო ბაზაზე თავდასხმა სულელური და უპასუხისმგებლობაა.

"რაც ამერიკამ გააკეთა, ეს არის სისულელე და უპასუხისმგებლობა საქციელი, რომელიც თავის ნამდვილ სახეს ავლენს და ასევე აჩენს პოლიტიკურ და სამხედრო სიბრმავეს", - აღნიშნა ასადმა.

შეგახსენებთ, რომ საავიაციო ბაზაზე თავდასხმა გუშინ ღამით მოხდა. ამერიკამ სირიაზე სამხედრო იერიში განახორციელა და 59 "Tomahawk"-ის ტიპის რაკეტა გამოიყენა. ჰომსის გუბერნატორის ტალალ ბარაზის ინფორმაციით, ამერიკის შეერთებული შტატების მიერ სირიაზე განხორციელებულ იერიშს 4 ადამიანი ემსხვერპლა, 7 კი დაიჭრა. თავდასხმები ალ შაირათის სამხედრო ბაზაზე, ხმელთაშუა ზღვიდან მოხდა, სადაც 2 ხომალდია განთავსებული. ამერიკამ სირიაზე თავდასხმა მას შემდეგ განახორციელა, რაც რამდენიმე დღის წინ იდლიბის პროვინციაში მშვიდობიანი მოსახლეობის წინააღმდეგ, სავარაუდოდ, ბაშარ ასადმა ქიმიური იარაღი გამოიყენა. აღნიშნულ თავდასხმას 80 ადამიანის სიცოცხლე ემსხვერპლა, 100-ზე მეტი ადამიანი კი დაშავდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან