8 აპრილს, 14:00 საათზე, ქუთაისის თიბისი გალერეაში  ოტია იოსელიანის წიგნის – „წერილები დაჩის"  პრეზენტაცია გაიმართება. წიგნი გამომცემლობა „ინტელექტმა" 2017 წელს, დეა სოსელიას ილუსტრაციებით გამოსცა.

წიგნის პრეზენტაციის პარალელურად, თიბისი გალერეაში  დეა სოსელიას ნამუშევრებიც გამოიფინება.

ოტია იოსელიანის „წერილები დაჩის" თაობებს შორის დიალოგის ანაბეჭდია. დაჩი მწერლის ვაჟია.  იმის მიუხედავად, რომ კრებულს  კონკრეტული ადრესატი ჰყავს, ბარათების ფორმით დაწერილი ეს ნოველები, ჩანაწერები თუ მინიატიურები, მაინც სცილდება კონკრეტულ საზღვრებს და ადრესატში არამხოლოდ ზოგადად ახალგაზრდა თაობას მოიაზრებს, არამედ ყველა სავარაუდო მსმენელსა თუ მკითხველს. მეგობრობა, მარტოობა, შემოქმედება, პატივმოყვარეობა, სამშობლო, რწმენა...  კრებულში უამრავი თემა იყრის თავს. თითოეულზე დაფიქრება, განსჯა და გადაწყვეტილების მიღება ცხოვრების გზას განსაზღვრავს.

პრეზენტაციაზე მკითხველს შესაძლებლობა ექნება  ოტია იოსელიანის „წერილები დაჩის", ასევე,  „ინტელექტის" სხვა ახალი გამოცემები სპეციალურ ფასად შეიძინოს.

დასწრება თავისუფალია.

მისამართი: ქ. ქუთაისი, აღმაშენებლის მოედანი #2

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ცხოვრების ფასების ზრდის წინააღმდეგ გამართულ საპროტესტო აქციებში დაახლოებით 320 000 ადამიანი მონაწილეობდა

შეერთებულმა შტატებმა ბელორუსს Boeing-ის სათადარიგო ნაწილებისა და ახალი თვითმფრინავების შეძენის უფლება მისცა

ტუსკი საკონსტიტუციო ტრიბუნალზე - ყვირილი, ტყუილი და ჩხუბი პოლონეთში კანონის წყარო არ შეიძლება იყოს

ტრამპმა განაცხადა, რომ უკრაინის საკითხზე შეთანხმების მიღწევა შესაძლებელია G20-ის სამიტამდე