„საქართველო არის მეორე ქვეყანა ევროპაში მწეველთა რაოდენობის მიხედვით, თუ სათანადოდ არ გავამკაცრეთ რეგულაციები ამ მიმართულებით, მალე პირველი ქვეყანა ვიქნებით“, - ამის შესახებ საპარლამენტო უმრავლესობის წევრმა გუგული მაღრაძემ პარლამენტის პლენარულ სხდომაზე თამბაქოს კონტროლის საკანონმდებლო პაკეტის განხილვისას განაცხადა.

როგორც დეპუტატმა აღნიშნა, შემაშფოთებელია  ის ფაქტი, რომ რეგულარული მოწევის ასაკი 13 წლიდან იწყება.

„ჩვენ დღეს ვხედავთ  სავალალო ვითარებას საქართველოში. საქართველო არის მეორე ქვეყანა ევროპაში  მწეველთა რაოდენობის მიხედვით.  პირველი ქვეყანაა რუსეთი, მაგრამ  იმის შემდეგ რაც რუსეთმა მიიღო შესაბამისი საკანონმდებლო ცვლილებები, ჩვენ თუ სათანადოდ არ გავამკაცრეთ   და რეგულაციები არ მივიღეთ ამ მიმართულებით, ჩვენ ალბათ პირველი ქვეყანა ვიქნებით ევროპაში.  მიუხედავად იმისა, რომ ყველამ იცი, მოწევა მავნებელია ჯანმრთელობისთვის და ა.შ. მწეველთა რაოდენობა იზრდება. ყველაზე საგანგაშო არის ის, რომ იზრდება მწეველთა რაოდენობა არასრულწლოვანებში, სკოლებში არასრულწლოვნების მიერ თამბაქოს მოხმარება საკმაოდ ხშირია. რეგულარული მოწევის დაწყების ასაკი არის  13 წელი“,-აღნიშნა მაღრაძემ.

მისივე განცხადებით, საქართველოს პარლამენტმა უნდა მიიღოს ისეთი საკანონმდებლო ცვლილებები, რაც ხელს შეუწყობს მწეველთა რაოდენობის შემცირებას.

„მე ვფიქრობ, რომ ამან ყველა უნდა შეგვაშფოთოს. ყველაფერი  გვიბიძგებს იმისკენ, რომ საქართველოს პარლამენტმა, რომელიც ხალხის ინტერესების  დამცველი უნდა იყოს, უნდა  მიიღოს ისეთი საკანონმდებლო ცვლილებები, რაც ხელს შეუწყობს მწეველთა რაოდენობის შემცირებას. სწორედ იმის გამო, რომ არ არსებობს სათანადო რეგულაციები  ერთ სივრცეში არიან მწეველები და  არამწეველები. არამწეველები რაოდენობრივად უფრო მეტია, რომლებიც ჯანმრთელობისთვის საშიშ და სასიკვდილო დაზიანებებს იმის გამო იღებენ, რომ არიან ისეთ  სიტუაციაში, სადაც თამბაქოს კვამლი არის.   თქვენ ალბათ იშვიათად დამისახელებთ საზოგადოებრივი თავშეყრის ისეთ ადგილებს, სადაც თამბაქოს კვამლი არ არის. ამას სჭირდება ცხადია სათანადო რეგულაციები, ამასთან ერთად ჩვენმა  პარლამენტმა გამოავლინა პოლიტიკური ნება იმისა, რომ მოწესრიგდეს ეს საკითხი ისე როგორც ცივილიზირებულ ქვეყნებშია, ამასთან ერთად ძალიან კარგია, რომ ჩვენს მხარს გვიჭერს მოსახლეობა“,-განაცხადა გუგული მაღრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times