საერთაშორისო ორგანიზაცია Freedom House-მა კვლევა - „ქვეყნები გარდამავალ პერიოდში 2017“ გამოაქვეყნა.

ორგანიზაციის კვლევის მონაცემებით, დემოკრატიული მაჩვენებლები საქართველოში, 7-დან 4,61 ქულით შეფასდა.

კვლევაში 1 ქულა საუკეთესო, ხოლო 7 - ყველაზე ცუდი მაჩვენებლია. კვლევაზე დაყრდნობით  2017 წლის მონაცემებით, საქართველოში გაუმჯობესებულია სასამართლო დამოუკიდებლობის მაჩვენებელი, ყველაზე კარგი შედეგი საქართველოს სამოქალაქო საზოგადოების სეგმენტში 3,75-იანი მაჩვენებლით აქვს.

საშუალოზე დაბალი ქულა საქართველოს ადგილობრივ და ეროვნულ დემოკრატიულ მმართველობაში აქვს.

როგორც კვლევაშია აღნიშნული, მედიის თავისუფლება ქვეყანაში ნაწილობრივ თავისუფლად ფასდება. ინტერნეტ თავისუფლების მხრივ კი იგი თავისუფალია.

დემოკრატიული განვითარების მდგომარეობის მიხედვით, კვლევაში საქართველო გარდამავალი მთავრობის კატეგორიაშია, ისევე როგორც აღმოსავლეთ პარტნიორობის კიდევ ორი ქვეყანა - მოლდოვა და უკრაინა.

ცნობისთვის, კვლევა ცენტრალური ევროპისა და ევრაზიის 29 ქვეყნის დემოკრატიის განვითარების ანალიზს წარმოადგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტის ანგარიშში ირაკლი ღარიბაშვილის გვარიც მოხვდა - რა წერია მასზე

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი