ადამიანის უფლებათა დაცვის კომიტეტმა „არასრულწლოვანთა მართლმსაჯულების კოდექსი“ მოიწონა

2015-04-06 20:23:54, 381 ნახვა

პოლიტიკა

პარლამენტში, ადამიანის უფლებათა დაცვის კომიტეტის სხდომაზე „არასრულწლოვანთა მართლმსაჯულების კოდექსი“ განიხილეს.
სხდომაზე მოხსენებით წასრდგნენ იუსტიციის მინისტრი თეა წულუკიანი და უზენაესი სასამართლოს თავჯდომარე ნინო გვენეტაძე.
კომიტეტმა აღნიშნული კოდექსი მოიწონა.
როგორც სხდომის შემდეგ თეა წულუკიანმა ჟურნალისტებს განუცხადა, აღნიშნული კოდექსით საქართველოში არასრულწლოვანის ინტერესებზე მორგებული სისხლის სამართლის მართლმსაჯულება ინერგება.
„ეს მორგებულია იმ არასრულწლოვანის ინტერესზე რომელსაც ერთხელ თუ კი რამე შეეშალა, სახელმწიფო მისცემს შანსს. მაგრამ, ჩვენ არ უნდა გვეგონოს რომ ეს კოდექსი მხოლოდ ბრადებულსა და მსჯავრდებულ არასრულწლოვანს ეხება, ეს კოდექსი მკაცრი გარანტიებით აღჭურავს არასრულწლოვან დაზარალებულს და არასრულწოვან მოწმეს. ეს არის გარანტიების მთელი სპექტრი, რომელიც ბავშვის საუკეთესო ინტერესზე იქნება მორგებული. საქართველოს ეყოლება სპეციალიზებული პოლიცილები, პროკურორები, სოციალური მუშაკები, პრობაციის მუშაკები, ადვოკატები და რა თქმა უნდა მოსამართლეები. სპეციალიზებული მართლმსაჯულება იქნება ჩვენი ბავშებისთვის. რა თქმა უნდა კოდექსის ძალაში შესვლამდე დაგვჭირდება მეტი მუშაობა, ჩატარდეს ტრენინგები. ამ მხრივ მოწინავე პოზიციაზეა პროკურტურა და შსს. ჩვენ შევთანხმდით ქალბატონ ნინო გვენეტაძესთან ერთად, რომ მოსმართლეთა ტრენინგი სპეციალიზაციის კუთხით წავა კიდევ დიდი ტემპით, რადგან თავად ქალბატონი ნინო იყო ამ კოდექსის შექმნაში ჩართული. ჩვენ ამ კოდექსით ვამცირეთ ვადებს. თუ კი დიდების შემთხვევაში ბრალდებულად ყოფნის ვადა არის 9 თვე აქ იქნება 6 თვე. წინასასამართლო სხდომამდე 60 დღის მაგივრად არასრულწლოვანი მოიცდის მხოლოდ 40 დღე. მცირდება სასამართლო განხილვის ვადები. არასრულწლოვანის ნასამართლეობა გაქარწყლდება მაშინათვე, როგორ კი ის მოიხდის სასჯელას ან ამოწურავს პირობით მსჯავრს. მაგრამ, მათ უნდა ესმოდეთ რომ ეს ნასამართლეობა გაცოცხლდება თუ კი მეორედ ჩაიდენენ დანაშაულს. იზრდება განრიდების მედიაცის პროგრამის როლი და აღდგენით მედიაციას ენიჭება მთავარი როლი, რათა პატიმრობა იყოს უკიდეურესი გამოსავალი. შინა პატიმრობა შემოდის როგორც სასჯელის სახე და თუ კი ბავშვების შემთხევაში ეს სისტემა გაამართლებს, ჩვენ გვაქვს პოლიტიკური ნება, პრემიერის ინიციატივაა, შინა პატიმრობა შემოვიდეს აგრეთვე სრულწლოვნების შემთხვევაში",- აღნიშნა წულუკიანმა.