აჭარის ტურისტულ პოტენციალს უკრაინელი ვიზიტორები ეცნობიან. რეგიონის ტურისტული შესაძლებლობებისა და პროდუქტების ამსახველი სარეკლამო-საინფორმაციო მასალები კიევის საერთაშორისო ტურისტულ გამოფენაზე „UITT-Kiev 2017» არის წარდგენილი.

აჭარის ტურიზმის დეპარტამენტის უკრაინაში ყველაზე მასშტაბურ გამოფენაზე საქართველოს ტურიზმის ეროვნულ ადმინისტრაციასთან, ტურისტულ სააგენტოებთან და ქობულეთის გამგეობის ტურიზმის სამსახურის წარმომადგენლებთან ერთად მონაწილეობს. გამოფენის ფარგლებში დეპატამენტის წარმომადგენლებმა  შეხვედრები  სარეკლამო კომპანიების წარმომადგენლებთან გამართეს, სადაც უკრაინაში აჭარის რეკლამირებისთვის ეფექტური გზები განიხილეს.  

უკრაინა აჭარისთვის ერთ-ერთ მნიშვნელოვან ტურისტულ ბაზარს წარმოადგენს. რეგიონში შემოსული ტურისტების რაოდენობის მიხედვით უკრანას მესამე ადგილი უჭირავს. 2016 წელს, რეგიონს 45 239 უკრაინელი ტურისტი სტუმრობდა. რაც ნაწილობრივ უკრაინიდან ბათუმის მიმათულებით არსებული ფრენების დამსახურებაცაა.

მიმდინარე წელს, ავიაკომპანია „იან ეარი“ პირდაპირ ფრენებს კიევიდან ბათუმის მიმართულებით 15 აპრილიდან განაახლებს, რასაც ივნისიდან ოდესა-ბათუმის მიმართულებაც დაემატება. აჭარის ტურიზმის დეპარტამენტი უკრაინაში მარკეტინგულ კამპანიებს 2011 წლიდან ანხორციელებს. მიმდინარე წელს,  დეპარტამენტი რეგიონის რეკლამირებას უკრაინაში აპრილიდან დაიწყებს. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის