განათლებისა და მეცნიერების მინისტრმა ალექსანდრე ჯეჯელავამ მთავრობის სხდომის  დასრულების შემდეგ  სამთავრობო ქალაქთან დაკავშირებით ისაუბრა.

მან განათლების  სამინისტროს მაგალითზე აღნიშნა, რომ მისთვის სამთავრობო ქალაქის აშენების იდეა მისაღებია.

ჯეჯელავას განმარტებით, განათლების სამინისტროს შენობა კულტურული მემკვიდრეობის ძეგლის სტატუსი აქვს, რის გამოც ვერ ხდება გათბობისა და გაგრილების სისტემის დაყენება და ხარჯები იზრდება.

"გარდა იმისა, რომ ჩვენი შენობა ისტორიული ძეგლია, ჩვენი უწყების სსიპები გაფანტულია ქალაქის მასშტაბით, რაც პრობლემას გვიქმნის. ჯერჯერობით სამთავრობო ქალაქის მშენებლობასთან დაკავშირებით კონსულტაცია არ შემდგარა, თუმცა თუ დადგა დღის წესრიგში, მე მხარს დავუჭერ. განათლების სამინისტროს ამჟამინდელ შენობაში კი შესაძლებელია მუზეუმის ან ნებისმიერი სხვა რამის განთავსება. მომხრე ვარ სამინისტროებმა გადაინაცვლოს ფუნქციონალურად თანამედროვე და გამართულ შენობებში, თუმცა გადაწყვეტილება ჯერ მიღებული არ არის", - განაცხადა ალექსანდრე ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის