ლიტვის პრეზიდენტის დალია გრიბაუსკაიტეს განცხადებით, 

ამის შესახებ დალია გრიბაუსკაიტემ საქართველოს პრეზიდენტთან ერთობლივ პრესკონფერენციაზე განაცხადა. 

გრიბაუსკაიტეს განმარტებით, ლიტვა მზად არის, საქართველოს მიზნების მიღწევაში დაეხმაროს.

"ჩვენ გვაწუხებს მთელი რიგი საკითხები, როდესაც საქმე შეეხება პრესის თავისუფლებას. მინდა, გითხრათ, რომ ევროპა ძალიან მჭიდროდ აკვირდება პროცესს, რომელიც მიმდინარეობს საქართველოში. სიტყვის თავისუფლება, პლურალიზმი უნდა იყოს გარანტირებული, უზრუნველყოფილი და შეზღუდვები ამ თვალსაზრისით ამ სფეროში შეიძლება, იყოს დამაბრკოლებელი ფაქტორი ევროკავშირთან ინტეგრაციის თვალსაზრისით“, - განაცხადა ლიტვის პრეზიდენტმა.

დალია გრიბაუსკაიტემ ასევე საქართველოს ნატო-სკენ მისწრაფებაზე ისაუბრა.

„ჩვენ მზად ვართ, დავეხმაროთ საქართველოს, რომ მიაღწიოს თავის მიზანს, ნატო-ს წევრმა სახელმწიფოებმა ყველამ მიიღოს გადაწყვეტილება, რომ საქართველო გახდება ნატო-ს წევრი“, - აღნიშნა ლიტვის პრეზიდენტმა.

დალია გრიბაუსკაიტემ საქართველოს ტერიტორიულ მთლიანობაზეც ისაუბრა და აღნიშნა, რომ ლიტვა მხარს უჭერს ქვეყნის ტერიტორიულ მთლიანობას.

„თუ არა ჩვენ, ვის შეუძლია უკეთ გაიგოს, რა პრობლემის წინაშე დგას დღეს საქართველო და თუ არა ჩვენ, ვის შეუძლია, წამოჭრას ეს საკითხები საერთაშორისო დონეზე და დავეხმაროთ საქართველოს“, - განაცხადა ლიტვის პრეზიდენტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times