ხულოს მუნიციპალიტეტში სამუშაო შეხვედრებისა და ახალი ინფრასტრუქტურული პროექტების გაცნობის ფარგლებში ზურაბ პატარაძე სოფელ ოქრუაშვილებს ესტუმრა, სადაც მუნიციპალიტეტის ხელმძღვანელობასთან ერთად ახალაშენებული კულტურის სახლი გახსნა.

აჭარის მთავრობის თავმჯდომარემ კულტურის სახლში შეკრებულ საზოგადოებას სიტყვით მიმართა და ქვეყნის მასშტაბით ვიზალიბერალიზაციასთან დაკავშირებულ სადღესასწაულო დღეებსაც გამოეხმაურა.ზურაბ პატარაძის თქმით, მისთვის დიდი პატივია, რომ აჭარის მოსახლეობას ქვეყნისათვის ამ მნიშვნელოვან დღეს ხულოს მუნიციპალიტეტიდან ულოცავს.

„საქართველოსათვის უმნიშვნელოვანესია ვიზალიბერალიზაციის გზაზე მიღწეული წარმატება, რომელიც საქართველოს მთავრობის თანმიმდევრული პოლიტიკისადა დაუღალავი შრომის შედეგია. უახლოეს მომავალში საქართველოსთვის გაიხსნება 500 მილიონიანი  ევროპული ბაზარი, რაც ხელს შეუწყობს ჩვენიპროდუქციის წარმოებისა და ექსპორტის გაზრდას,"-აღნიშნა ზურაბ პატარაძემ და 28 მარტიდან უვიზო მიმოსვლა საქართველოს ყველა მოქალაქეს მიულოცა.

აჭარის მთავრობის თავმჯდომარემ სოფელ ოქრუაშვილების კულტურის სახლში შეკრებილ მოსახლეობას ხულოს მუნიციპალიტეტის მასშტაბით მიმდინარე პროექტებზე, კურორტ „გოდერძის" განვითარებისა და პოპულარიზაციისათვის დაგეგმილ ღონისძიებებზე და მაღალმთიანი აჭარის გაზიფიცირების პროექტზეც ესაუბრა.

ზურაბ პატარაძემ ყურადღება გაამახვილა საგზაო ინფრასტრუქტურის მიმართულებით დაგეგმილ პროექტებზე, კერძოდ, ხულო-ზარზმის გზის მონაკვეთზე დააჭარის საგზაო დეპარტამენტის მიერ შიდა სასოფლო და თემებთან დამაკავშირებელი გზების რეაბილიტაციაზე. მისი თქმით, სახელმწიფოს მხრიდან უკვე დაგეგმილი ღონისძიებები ხელს შეუწყობს უდიდესი ტურისტული პოტენციალის მქონე ხულო მუნიციპალიტეტს უფრო მეტი ვიზიტორის მოზიდვასა დამომსახურების ხარისხის გაუმჯობესებაში. აჭარის ტურიზმისა და კურორტების დეპარტამენტის მიერ სერვისის სფეროში დაგეგმილი გადამზადების უფასოკურსების ძირითადი ნაწილი სწორედ მთიანი აჭარისაკენაა მიმართული. გადამზადების კურსები მაღალმთიან სოფლებში არსებულ განთავსებისა და კვების ობიექტებში თანამედროვე სტანდარტების დამკვიდრებას შეუწყობს ხელს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება