ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე  დოლიძე ოკუპირებულ აფხაზეთში ე.წ. არჩევნების მეორე ტურს გამოეხმაურა.

მინისტრის თქმით, რუსეთს ყველა ის ქმედება, რასაც ახორციელებს, ბუმერანგივით უკან შეუბრუნდება.

"ნებისმიერი გადაწყვეტილება, კარის ჩარაზვა, ექსპანსიონისტური პოლიტიკის გაგრძელება, რასაც რუსეთი აკეთებს, ვფიქრობ, პირველ რიგში ბუმერანგივით შემოუბრუნდება მას. ეს არასწორია და არ აგვარებს პრობლემებს. ამიტომ, მეორე ტურიც იგივენაირად  "ლეგიტიმურია", როგორიც იყო პირველი ტური და ნებისმიერი სხვა ნაბიჯი ბოლო დღეებში, კვირეებში გადადგმული, განსაკუთრებით სავიზო პრობლემის გადაწყვეტასთან დაკავშირებით", - აღნიშნა დოლიძემ.

ცნობისთვის, ოკუპირებულ აფხაზეთში გუშინ  ე.წ. საპარლამენტო არჩევნების მეორე ტური გაიმართა. დე ფაქტო საპარლამენტო არჩევნების მეორე ტური 22 ოლქში მიმდინარეობდა. ე.წ. არჩევნების პირველი ტური 12 მარტს გაიმართა, სადაც მხოლოდ 12 დეპუტატი აირჩიეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი

სიბიგა - შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა