ბრიუსელში სამუშაო ვიზიტის ფარგლებში, შინაგან საქმეთა  მინისტრი გიორგი მღებრიშვილი, ევროპული სამეზობლო პოლიტიკისა და გაწევრიანების თაობაზე მოლაპარაკებების საკითხებში ევროკომისარს, იოჰანეს ჰანს შეხვდა.

უწყების პრესსამსახურის ინფორმაციით, მხარეებმა საქართველოს შს სამინისტროში ბოლო წლებში გატარებულ მნიშვნელოვან რეფორმებზე, მათ შორის, ევროპული და ევროატლანტიკური ინტეგრაციის კუთხით მიღწეულ პროგრესზე ისაუბრეს.

მათივე ინფორმაციით, შეხვედრაზე ხაზგასმით აღინიშნა სავიზო რეჟიმის ლიბერალიზაციის სამოქმედო გეგმის იმპლემენტაციის წარმატებით დასრულების პროცესში შსს-ს მიერ შეტანილი წვლილი.

გიორგი მღებრიშვილმა შენგენის ქვეყნებში საქართველოსთვის უვიზო მიმოსვლის პოლიტიკურ და სტრატეგიულ მნიშვნელობაზე გაამახვილა ყურადღება და ევროკავშირს ევროინტეგრაციის პროცესში მხარდაჭერისთვის მადლობა გადაუხადა.

საქართველოს შს მინისტრმა სამინისტროში განხორციელებულ იმ მნიშვნელოვან რეფორმებზე ისაუბრა, რომლებიც უწყების დასავლურ სტანდარტებთან მიახლოებას ისახავს მიზნად. გიორგი მღებრიშვილმა ევროკომისარს მიმდინარე და დაგეგმილი პროექტები გააცნო, მათ შორის, მულტიფუნქციური და მაღალტექნოლოგიური ერთობლივი ოპერაციების ცენტრი, კრიმინალური პოლიციის რეფორმირება, ანალიზზე დაფუძნებული საპოლიციო საქმიანობა, შსს-ს აკადემიის საერთაშორისო სასწავლო ცენტრად გარდაქმნა და სხვა.

შეხვედრაზე აღინიშნა, რომ საქართველოს შსს-მ მნიშვნელოვანი ნაბიჯები გადადგა საერთაშორისო საპოლიციო თანამშრომლობის განვითარების კუთხით, რაც ევროკომისიის მიერ პოზიტიურად შეფასდა.

შეხვედრის დასასრულს გიორგი მღებრიშვილმა და იოჰანეს ჰანმა სამომავლო თანამშრომლობის გეგმები განიხილეს.

შს მინისტრმა ხაზი გაუსვა ევროკომისიის მხარდაჭერის მნიშვნელობას სტრატეგიული პროექტებისა და პროგრამების განხორციელების მიმართულებით, როგორიც არის საზღვრის დაცვა და უსაფრთხოება, ასევე, საგანგებო სიტუაციების მართვის სფეროს რეფორმირება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კმარა სუნთქვა აღარ შეგვიძლია - თურქეთში ათასობით ადამიანი ჟურნალისტების დაკავებების წინააღმდეგ გამოვიდა

სეს: სუნელ-სანელებლებში სუდანის ჯგუფის აზო-საღებავები გამოვლინდა

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს