საქართველოს პრემიერ-მინისტრმა გიორგი კვირიკაშვილმა შსს-ს დაავალა, თოვლის გამო, სანამ გზა გაიხსნება, ომალოში კვირაში ერთხელ ფრენა განახორციელონ სასაზღვრო ვერტმფრენით, რათა იქ დარჩენილმა ადამიანებმა იგრძნონ კავშირი დანარჩენ საქართველოსთან.

„რამდენიმე დღის წინ აღვნიშნეთ მესაზღვრის დღე. მესაზღვრეები არიან ადამიანები, რომლებიც ერთ-ერთ ყველაზე საპატიო პროფესიას ემსახურებიან და ემსახურებიან საქართველოს ყველა მოქალაქის უსაფრთხოების დაცვა. მათ ძალიან რთულ პირობებში უწევთ სამსახური. ომალოს სასაზღვრო პუნქტზე გახლდით. მინდა, დავავალო შსს-ს, რომ სანამ გზა გაიხსნება, ანუ თოვლის დადნობამდე და სახმელეთო გზის სრულად ამოქმედებამდე, კვირაში ერთი ფრენა განახორციელონ სასაზღვრო ვერტმფრენით იმისთვის, რომ არა მარტო მესაზღვრეებმა, არამედ იქ დარჩენილმა ადამიანებმა იგრძნონ კავშირი დანარჩენ საქართველოსთან. ეს არის ძალიან რთული რეგიონი. მესაზღვრეებს ნამდვილად არ აკლიათ ყურადღება, ეს შენიშვნა არ არის. კარგი მატერიალურ-ტექნიკური ბაზაა, თუმცა დამატებით საჭიროა კავშირის განხორციელება ვერტმფრენით. მინდა, აუცილებლად კვირაში ერთი ფრენა განხორციელდეს. ფინანსთა სამინისტროს მინდა დავავალო, რომ მოიძიოს ამისთვის სახსრები. ეს შესაძლებელია. ასევე ინფრასტრუქტურის სამინისტროს მინდა დავავალო, რომ ამ მიმართულებით განსაკუთრებული ყურადღება გამოიჩინოს და იმ რეგიონის მაცხოვრებლებს სხვადასხვა მოთხოვნილება დაუკმაყოფილდეთ. კვირაში ერთი ფრენა ომალოში აუცილებელი წესით უნდა განხორციელდეს. ეს იქნება სასაზღვრო ვერტმფრენი, რომელიც მოემსახურება როგორც მესაზღვრეებს, ასევე იქ მცხოვრებ ადამიანებს",- განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times