ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე ოკუპირებულ ტერიტორიებზე რუსეთის მხრიდან დამატებითი ძალების მობილიზების საკითხს გამოეხმაურა.

დოლიძის თქმით, ის, რაც დღეს, როგორც პოლიტიკური, ისე სამხედრო თვალსაზრისით ხდება, ანექსიის გაგრძელების მცდელობაა.

„ბუმერანგივით შემოუბრუნდება ეს რუსეთს უკან, ეს ერთი და მეორე, არანაირი დარაზული კარი, არანაირი სამხედრო აღმშენებლობა, არანაირი მილიტარიზაცია, არანაირი კონტაქტების აკრძალვა ხალხებს შორის ურთიერთობის თვალსაზრისით არ და ვერ შეაჩერებს ხალხის სწრაფვას იმისაკენ, რომ ჩვენი ტერიტორიული მთლიანობა იქნეს ბოლოს და ბოლოს აღდგენილი. მე ამის დიდი იმედი მაქვს. ჩვენ მხოლოდ ტერიტორიის დაბრუნებაზე არ გვაქვს საუბარი, ჩვენ აფხაზები და ოსები უნდა დავიბრუნოთ. დღევანდელი ხელისუფლება ამ კუთხით ყველაფერს აკეთებს“, - განაცხადა ვიქტორ დოლიძემ.

შეგახსენებთ, ინტერნეტში ვიდეომასალა ვრცელდება, რომელშიც ჩანს თუ როგორ გადაადგილდება ოკუპირებული აფხაზეთის რეგიონში რუსეთის დამატებითი მძიმე სამხედრო ტექნიკა.  კერძოდ, საუბარია C-300-ის ტიპის საზენიტო-სარაკეტო კომპლექსებზე, რომლებიც მოსკოვმა აფხაზეთში გაგზავნა.  გავრცელებული ინფორმაციით, კომპლექსები სოჭიდან შეიტანეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times