„პოლიციის მუშაობის აბსოლუტურად დასავლური სტანდარტი გამოვლინდა, რასაც აქამდე არ ვიყავით შეჩვეული და განსაკუთრებით წინა ხელისუფლების პირობებში“,-ამის შესახებ დევნილთა და განსახლების მინისტრმა სოზარ სუბარმა ბათუმში განვითარებული მოვლენების კომენტირებისას განაცხადა.

მინისტრმა მომხდარ ინცინდენტს ვანდალიზმი და კანონის სერიოზული დარღვევა უწოდა.

„ბათუმში რაც მოხდა ამას ცალსახა შეფასება მიეცა, ეს იყო ვანდალიზმი, ეს იყო კანონის ძალიან სერიოზული დარღვევა და ძალადობა, საკუთრების განადგურება, სხვადასხვა სახელმწიფო ინსტიტუტებზე და ა.შ. ამაზე მიმდინარეობა გამოძიება. გამოძება შეიძლება დავყოთ ორ ნაწილად. ერთი არის ადმინისტრაციული სამართალდარღვევები, რომელიც ჩადენილი იქნა კონკრეტული პირების  მიერ და რომლებიც ადმინისტრაციულად აგებენ პასუხს, მაგრამ ამის პარალელურად მიმდინარეობს გამოძიებას, რომელიც დაადგენს ყველას, ვინც ჩაიდინა კონკრეტული ვანდალიზმის ფაქტები, კონკრეტული თავდასხმები, კონკრეტული ძალადობა, ვინც იყო ამის ორგანიზატორი, ყველა იქნება დასჯილი და ყველა შესაბამისად აგებს პასუხს. უნდა დაველოდოთ გამოძიებას, იმიტომ რომ ერთია ადმინისტრაციული სასჯელები, რომლებიც შეიძება ძალიან ჩქარა დადგეს დღის წესრიგში.

ყოველ შემთხვევაში ფაქტი ერთია, გამოვლინდა აბსოლუტურად დასავლური სტანდარტი პოლიციის მუშაობის, რასაც არ ვიყავით აქამდე  შეჩვეული და არ ვიყავით განსაკუთრებით შეჩვეული წინა ხელისუფლების პირობებში, როდესაც არამხოლოდ უსასტიკესი ძალადობა იყო მოქალაქეებზე, არამედ გავიხსენოთ 26 მაისის შემთხვევა, როდესაც ალყაში მოაქციეს მომიტინგეები და არ მისცეს გაქცევის საშუალება არცერთ ადამიანს, გააკეთეს ის რაც არ გაუკეთებია საბჭოთა კავშირსაც კი 9 აპრილს“,-განაცხადა სოზარ სუბარმა.

ამასთან, სუბარმა „ნაციონალური მოძრაობასთან“ დაკავშირებულ ბრალდებებზე ისაუბრა.

მინისტრის თქმით, „როცა ლაპარაკი ბრალდებებზე „ნაციონალური მოძრაობის“ მიმართ, არცერთი ასეთი კონკრეტული ბრალდება არ ყოფილა.

„როცა ლაპარაკია ბრალდებებზე ნაციონალური მოძრაობის მიმართ, არცერთი ასეთი კონკრეტული ბრალდება არ ყოფილა, თუ ვლაპარაკობთ ზოგად სურათზე შეგვიძლია გავიხსენოთ მიხეილ სააკაშვილის განცხადებები, რომლებიც 2012 წლის არჩევნებზე პირდაპირ მოუწოდებდა ძალადობისკენ, არეულობისკენ. გვახსოვს სატელეფონო ჩანაწერები, გვახსოვს მისი საჯარო გამოსვლები. ეს ყველაფერი ხდება მათ ხელწერაში. კარგად გავიხსენოთ ვინ მონაწილობდნენ რომელი ლიდერები მონაწილეობდნენ, ვინ გეგმავდა და აწყობდა მხარდამჭერ აქციებს. ეს ყველაფერი საკმარისია პოლიტიკური სურათის შესაქმნელად“,-აღნიშნა სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კანადამ და ევროკავშირმა ალიანსის შექმნის შესახებ განაცხადეს

აშშ-ის სასამართლომ ტრამპის ადმინისტრაციას საარჩევნო კომისიის წევრების დაშინება აუკრძალა

პოლონეთის პრემიერ-მინისტრმა საკონსტიტუციო ტრიბუნალთან დაკავშირებულ კონფლიქტზე - კანონის უზენაესობის აღდგენა ჩვენი მოვალეობაა

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა