„თავისუფალი დემოკრატების“ წევრის შალვა შავგულიძის განცხადებით, ევროპის სასამართლომ ტელეკომპანია "რუსთავი 2"-თან დაკავშირებით დროული და სამართლიანი გადაწყვეტილება მიიღო.

როგორც შავგულიძემ "ექსპრესნიუსთან" საუბარში აღნიშნა, ყოფილ პრემიერ-მინისტრს ბიძინა ივანიშვილს „არაფორმალური მმართველობის განსახორციელებლად  მედია სივრცეზე სრული კონტროლი სჭირდება“, რაც მისივე თქმით, "რუსთავი 2"-ის გაკონტროლების გარეშე შეუძლებელია.

" მე დარწმუნებული ვარ ასე ადვილად ამ განზრახვაზე ხელს არ აიღებს ხელისუფლება და ის შეეცდება ევროპული სასამართლოს საბოლოო, არსებით გადაწყვეტილებამდე სხვა პრობლემები შეუქმნას "რუსთავი 2"-ს. მათ შორის ფინანსური პრობლემები, დაიწყება ალბათ ჟურნალისტებზე ნადირობა და სხვა არალეგიტიმური მოქმედებები. ასეთ შემთხვევაში აუცილებელია საზოგადოების მობილიზება "რუსთავი 2"-ის დასაცავად. აქ მოსული საზოგადოება და ჩვენი საზოგადოების ჯანმრთელი ნაწილი, ვინც გვერდში უდგას ტელეკომპანიას ამ სამართლიან ბრძოლაში, იცავს გამოხატვის თავისუფლებას, მედიის დამოუკიდებლობას და დემოკრატიული სახელმწიფოს ქვაკუთხედს წარმოადგენს. თუ ჩვენ გვინდა ასეთი სახელმწიფო ჩვენ უნდა ვიბრძოლოთ ამისთვის, სწორედ ამიტომ "თავისუფალი დემოკრატები" დღეს ვართ აქ, როგორც აქამდე ვიყავით "რუსთავი 2"-ის ბრძოლაში დამოუკიდებლობისთვის, ამ ხელისუფლების პირობებში და მომავალშიც, ყოველთვის ვიქნებით ხელისუფლებისგან დამოუკიდებელი მედიის ბრძოლისათვის მზად", - აღნიშნა შალვა შავგულიძემ.

ცნობისთვის, საქართველოს პარლამენტის მიმდებარე ტერიტორიაზე ტელეკომპანია "რუსთავი 2"-ის აქცია-კონცერტი მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times