„ნუ იქნებით ივანიშვილის მარიონეტები,  ამ კანონს მივესალმებით, თუმცა კარგი იქნებოდა წელიწად ნახევრის წინ ჩვენთვის მოგესმინათ, არ მიგეღოთ ეს კანონი, რომლის შედეგად საქართველომ მილიონობით ლარი იზარალა“,-ასე მიმართა „ნაციონალური მოძრაობის“ წევრმა თინა ბოკუჩავამ  პარლამენტის რიგგარეშე სხდომაზე უმრავლესობას, სადაც ეროვნული ბანკში ზედამხედველობის სამსახურის დაბრუნების საკითხს განიხილავენ.

როგორც ბოკუჩავამ აღნიშნა, ახლა ივანიშვილი არ ენდობა პრეზიდენტს და უნდა საკანონმდებლო გზით პრეზიდენტის არჩევის უფლება საზოგადოებას ჩამოართვას.

„ეკა ბესელია, გიორგი გაჩეჩილაძე, გიორგი კახიანი, ზვიად კვაჭანტირაძე, მანანა კობახიძე, გუგული მაღრაძე, ზაზა პაპუაშვილი, გია ჟორჟოლიანი, ირაკლი სესიაშვილი, გედევან ფოფხაძე, ალექსანდრე ქანთარია, ზაქარია ქუცნაშვილი, ზვიად ძიძიგური, ფატი ხალვაში - ეს არის მცირე ჩამონათვალი იმ ადამიანებისა,  რომლებმაც გადაწყვიტეს, რომ ზედამხედველობის სამსახური უნდა გასულიყო ეროვნული ბანკიდან და დღეს ვერ ასახელებენ  არგუმენტს  თუ რატომ შეეცვალათ აზრი. ჩვენ მოვისმინეთ ზოგი კოლეგის გულწრფელი აღიარება, რომ ივანიშვილი ებრძოდა ქადაგიძეს, მიუხედავად იმისა, რომ მას ენდობოდა ყველა საერთაშორისო ფინანსური ინსტიტუტი და სწორედ ამიტომ ჩამოართვა ეროვნულ ბანკს ზედამხედველობის ფუნქცია. ახლა ივანიშვილი არ ენდობა პრეზიდენტს და უნდა საკანონმდებლო გზით პრეზიდენტის არჩევის უფლება საზოგადოებას ჩამოართვას. ნუ იქნებით ივანიშვილის მარიონეტები. ახლა ამ კანონს მივესალმებით, თუმცა კარგი იქნებოდა წელიწად ნახევრის წინ ჩვენთვის მოგესმინათ, არ მიგეღოთ ეს კანონი, რომლის შედეგად საქართველომ მილიონობით ლარი იზარალა“, - განაცხადა თინა ბოკუჩავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის