„ჩანაწერებმა დაგვანახა, როგორი არ უნდა იყოს სასულიერო პირი და რა არასახარბიელო გარემოცვაა საპატრიარქოს წიაღში“

2017-03-09 12:32:35, 2355 ნახვა

საზოგადოება კომენტარი

„ამ ჩანაწერებმა კიდევ ერთხელ დაგვანახა, თუ როგორი არ უნდა იყოს სასულიერო პირი, თუ რა არასახარბიელო გარემოცვაა სასულიერო პირების, პატრიარქისა და საპატრიარქოს წიაღში“, - ამის შესახებ ჭყონდიდის მიტროპოლიტმა მეუფე პეტრე ცაავამ პროკურატურის მიერ გავრცელებულ აუდიო და ვიდეო-ჩანაწერებთან დაკავშირებით განაცხადა, სადაც დეკანოზ გიორგი მამალაძისა და ჟურნალისტ ირაკლი მამალაძის საუბარია ასახული.

როგორც მეუფემ აღნიშნა, მიმდინარე მოვლენებმა მას დაანახა, რომ „საჭიროა რაღაც მსგავსი რუის-ურბნისისა“.

რაც შეეხება კითხვას, დარწმუნებულია თუ არა მამა გიორგი მამალაძის უდანაშაულობაში, მეუფემ პეტრემ განაცხადა: „მამა გიორგი რომ არავის მოსაწამლად არაფრით არ მიდიოდა, ამაში ვარ დარწმუნებული“.

ცნობისთვის, საპატრიარქოში წმინდა სინოდის სხდომა მიმდინარეობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან