„ევროპული საქართველოს“ ერთ-ერთი ლიდერი გიგა ბოკერია ე.წ მატროსოვის ციხეში ვანო მერაბიშვილს შეხვდა. 

შეხვედრაზე ოპოზიციონერმა დეპუტატმა მერაბიშვილს ქვეყანაში მიმდინარე პროცესები, მათ შორის ტელეკომპანია „რუსთავი 2“-ის ირგვლივ განვითარებული მოვლენები გააცნო. 

როგორც ბოკერიამ აღნიშნა, საუბარი 8 მარტს, სტრასბურგში დანიშნულ სხდომას შეეხო, სადაც ევროპის ადამიანის უფლებათა სასამართლომ ვანო მერაბიშვილის საქმეზე უნდა იმსჯელოს.

„საკვანძო მომენტია ჩვენი ქვეყნისთვის ყველა თვალსაზრისით და კერძოდ, სტრასბურგში ევროპის ადამიანის უფლებათა სასამართლოში. იცით, რომ სტრასბურგში განიხილება „რუსთავი 2“-ის საქმე და ისტორიული გადაწყვეტილება იქნა მიღებული, ტელეკომპანიის საკითხზე. ამავე დროს, რამდენიმე დღეში იქნება მოსმენა, ვანო მერაბიშვილის საქმისა, სადაც ასევე პოლიტიკურ დევნასთან დაკავშირებით იქნება მიღებული გადაწყვეტილება, რომლიც მოგვიანებით იქნება გამოცხადებული.

ჩვენთვის, ერთადერთი გუნდისთვის, რომელსაც შეუძლია ქვეყანა ამ უმძიმესი კრიზისიდან გამოიყვანოს ეკონომიკურად პირველ რიგში და პოლიტიკურად, იმ კრიზისიდან რომელშიც ივანიშვილმა შეიყვანა საქართველო, ძალიან მნიშვნელოვანია, რომ ევროპული ინსტიტუტები ეფექტურად გამოვიყენოთ, რათა ქვეყანა ამ სახიფათო გზიდან გადავიყვანოთ. ამ საკითხთან დაკავშირებითაც გვქონდა დისკუსია-საუბარი, მის პერსონალურ საქმეზე, ისევე როგორც ზოგად პოლიტიკურ ვითარებაზე. პირველ რიგში „რუსთავი 2“,-ის  გარშემო შექმნილ სიტუაციაზე“, - განაცხადა ბოკერიამ.

შეგახსენებთ, რომ სტრასბურგის სასამართლოში ვანო მერაბიშვილის საქმე 8 მარტს განიხილება. ამასთან, ევროსასამართლომ „რუსთავი 2“-თან დაკავშირებით უზენაესი სასამართლოს მიერ გამოტანილი გადაწყვეტილების აღსრულება შეაჩერა. სასამართლოს გადაწყვეტილების აღსრულება 8 მარტამდე, დროებითაა შეჩერებული,  რათა ევროსასამართლო საქმის არსში გაერკვეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის