ე.წ მატროსოვის ციხეში "ციანიდის საქმეში" ბრალდებული დეკანოზ გიორგი მამალაძის დაკითხვა გრძელდება.

სასჯელაღსრულების დაწესებულებაში მისულმა, პროკურატურის წარმომადგენელმა ჯარგი წიკლაურმა დაკითხვის დეტალებზე არ ისაუბრა, თუმცა მისივე თქმით, საგამოძიებო პროცესი მშვიდ ვითარებაში მიმდინარეობს.

წიკლაურის თქმით,  საგამოძიებო უწყება კმაყოფილია, რომ ბრალდებული გამოძიებასთან თანამშრომლობს.

ამასთან, ჯარგი წიკლაურის ინფორმაციით, გამოძიებას არაერთი შეკითხვა აქვს და ისინი იმედოვნებენ, რომ ბრალდებულისგან ამომწურავ პასუხს მიიღებენ. 

”პროკურატურის ამოცანაა საქმეზე მტკიცებულებები შევადაროთ ყველა შესაძლო წყაროსთან. ამიტომ ვატარებთ სრულყოფილ გამოძიებას და ამიტომაც გვინდოდა დაგვეკითხა ბრალდებული. მას აქამდეც არაერთხელ შეეძლო მიეცა ჩვენება, თუმცა კარგია, რომ დღეს გვაძლევს ჩვენებას. 

ჩვენ არაერთი შეკითხვა გვაქვს, რომელიც დაისმება და იმედი გვაქვს, რომ ამომწურავ პასუხს მივიღებთ. დაკითხვის დასრულების შემდეგ, როდესაც ამომწურავი ინფორმაცია გვექნება ბრალდებულისგან, ჩვენ დამატებით კომენტარებს გავაკეთებთ ამ ჩვენების ირგვლივ”, - განაცხადა ჯარჯი წიკლაურმა. 

მან იმედი გამოთქვა, რომ დაკითხვის პროცესის დასრულების შემდეგ, საქმეზე საუბარი უფრო დეტალურად შეეძლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს