ვახუშტი მენაბდე მიწის რეგულაციებზე მოქალაქეობის მიხედვით შეზღუდვების დაწესების მომხრე არ არის

2017-02-28 11:44:04, 2116 ნახვა

კომენტარი

კონსტიტუციონალისტი ვახუშტი მენაბდე მიწის რეგულაციებზე მოქალაქეობის მიხედვით შეზღუდვების დაწესების მომხრე არ არის.

როგორც მენაბდემ ჟურნალისტებს განუცხადა, რეგულაციები ნეიტრალური უნდა იყოს.

„მე ვემხრობი ზოგადად ნეიტრალურ რეგულაციებს, მიუხედავად მოქალაქეობისა, რომელიც დაიცავდა მცირე მიწიან მოსახლეობას, ერთის მხრივ ხოლო მეორეს მხრივ ის უზრუნველყოფდა მიწის გონივრულ სარგებლობას და გამოყენებას“, - განაცხადა მენაბდემ.

მისივე ინფორმაციით, აღნიშნული საკითხის განხილვა საკონსტიტუციო კომისიის დღევანდელ სხდომაზე მოხდება.

უცხო ქვეყნის მოქალაქეებზე მიწების გასხვისების შეზღუდვის ინიციატივით არასაპარლამენტო ოპოზიცია და „პატრიოტთა ალიანსი“ გამოვიდა.

ცნობისთვის, პარლამენტში საკონსტიტუციო კომისიის სხდომა მიმდინარეობს. სხდომას როგორც უმრავლესობის, ასევე უმცირესობის და არასამთავრობო სექტორის წარმომადგენლები ესწრებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან