საქართველოში იტალიის ელჩის, ანტონიო ენრიკო ბარტოლის განცხადებით, უვიზო მიმოსვლა არის ჯილდო, რომელიც საქართველომ მძიმე შრომის შედეგად დაიმსახურა.

როგორც იტალიის ელჩმა პრესკონფერენციაზე სიტყვით გამოსვლისას აღნიშნა, საქართველოს მისწრაფება ევროკავშირის გზაზე აშკარაა.

მისივე თქმით, უვიზო მიმოსვლა ხალხთა შორის არსებულ ურთიერთობებს კიდევ უფრო გააძლიერებს.

"ეს შესანიშნავი, ისტორიული დღეა საქართველოსთვის და ჩვენ ამ დღეს გილოცავთ. ეს არის მნიშვნელოვანი ნაბიჯი, რომელიც აღიარებს, საქართველოს მთავრობის მიერ განხორციელებულ რეფორმებს. ეს ჯილდოა, რომელიც დაიმსახურეთ თქვენი მძიმე შრომის შედეგად და ეს ნაბიჯი უფრო მეტად დაგვაახლოვებს ერთმანეთთან. განსაკუთრებით მოხარული ვარ, რომ უვიზო მიმოსვლა შევა ძალაში სულ რამდენიმე დღეში. ეს არის რეაგირება და პასუხი თქვენს მცდელობებზე, მიუხედავად იმისა, რომ ზოგიერთი მხარეები კითხვის ნიშნის ქვეშ აყენებდნენ თქვენს მისწრაფებას", - განაცხადა ენრიკო ბარტოლიმ.

ელჩის განმარტებით, იტალია საქართველოსთვის მნიშვნელოვანი პარტნიორია.

"კითხვა იყო დასმული - სად იმოგზაურებდით უვიზო მიმოსვლის დაწესების შემდეგ, იტალია გახლავთ ერთ-ერთი ყველაზე პირველი დანიშნულების ადგილი, სადაც საქართველოს მოქალაქეებს სურთ, რომ იმოგზაურონ. ეს ჩემთვის არ არის უცნაური და გასაკვირი, რადგან ჩვენი კულტურები გავს ერთმანეთს ტრადიციებით, საკვებით და ა.შ. მოხარული ვარ, რომ ასეთი პასუხები მოვისმინე. წინა წელს 15 ათასი ტურისტი გვყავდა საქართველოდან. იტალია არის მნიშვნელოვანი პარტნიორი, DCFTA-ის მიმართულებით. ჩვენ გავაძლიერებთ ერთობლივ კავშირებს. საქართველო არის ევროპული ოჯახის ნაწილი", - აღნიშნა ანტონიო ენრიკო ბარტოლიმ.

ცნობისთვის, დღეს 27 თებერვალს ევროკავშირის საბჭომ დაამტკიცა 539/2001 რეგულაციის ცვლილება, რომელიც საქართველოს მოქალაქეებისათვის უვიზო მიმოსვლის რეჟიმის შემოღებას ითვალისწინებს. ეს საბოლოო ნაბიჯია სავიზო რეჟიმის ლიბერალიზაციის საკითხზე გადაწყვეტილების მიღების პროცესში.

შეგახსენებთ,რომ საქართველოსთვის ვიზალიბერალიზაციის მინიჭების გადაწყვეტილებასხელი 1 მარტს მოეწერება. 2 თებერვალს ევროპარლამენტმა საქართველოს ვიზალიბერალიზაციას ხმათა უმრავლესობით მხარი დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა