2017-02-23 14:39:14, 1542 ნახვა
პოლიტიკა
საქართველოში სომხეთის პრემიერ-მინისტრის ვიზიტი დაიწყო
საქართველოში სომხეთის რესპუბლიკის პრემიერ-მინისტრის, კარენ კარაპეტიანის ორდღიანი ოფიციალური ვიზიტი დაიწყო.
სომხეთის მთავრობის მეთაურს თბილისის საერთაშორისო აეროპორტში საქართველოს პირველი ვიცე-პრემიერი, ფინანსთა მინისტრი დიმიტრი ქუმსიშვილი დახვდა.
ვიზიტის ფარგლებში მთავრობის ადმინისტრაციაში დახვედრის ოფიციალური ცერემონია გაიმართება, რომლის დასრულების შემდეგ საქართველოს პრემიერ-მინისტრი გიორგი კვირიკაშვილი სომეხ კოლეგასთან პირისპირ შეხვედრას გამართავს.
შეხვედრის შემდეგ, საქართველოსა და სომხეთის პრემიერ-მინისტრები მედიისთვის ერთობლივ განცხადებებს გააკეთებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
