ვიცე-პრემიერ ჯეჯელავას საქმიანობა საზოგადოებასთან ურთიერთობის კოორდინაცია და ახალგაზრდული პოლიტიკა იქნება

2017-02-21 12:21:11, 2232 ნახვა

პოლიტიკა კომენტარი

მესამე ვიცე-პრემიერის თანამდებობა განათლების მინისტრმა ალექსანდრე ჯეჯელავამ დაიკავა.

როგორც ჯეჯელავამ ჟურნალისტებს განუცხადა, მისი საქმიანობის სფერო მთავრობაში საზოგადოებასთან ურთიერთობის კოორდინაციადა ახალგაზრდული პოლიტიკა იქნება.

„ანუ თქვენთან მეტი ურთიერთობა მომიწევს, დადებითად ვუყუერებ ამ ამბავს. მეორეა ახალგაზრდული პოლიტიკა, მოგეხსენებათ, ახალგაზრდობის საკითხებით რამდენიმე უწყებაა დაკავებული, მათ შორის განათლების, სპორტისა და ახალგაზრდობის სამინისტროები, კულტურაშიც არის ახალგაზრდობის საკითხები და თვითმმართველობაში, შევეცდებით ერთიანი პოლიტიკის ფარგლებში ახალგაზრდული საქმიანობა ჩვენი უფრო ეფექტიანი გახდეს, ეს არის გეგმა. ეფექტურობა ისეთი რამეა, რასაც ბოლო არ აქვს. ანუ, ახლა უფრო ეფექტურს, რომ გავხდით, მომავალ წელს უფრო ეფექტური გახდება, ეს უსასრულო შკალაა. ვფიქრობ, მომავალში უფრო ეფექტური იქნება, ვიდრე აქამდე იყო. რა იგულისხმება ეფექტურობაში - ერთ მაგალითს მოგიყვანთ, ეს არის საზაფხულო ბანაკები, რომელიც როგორც იცით, არის სპორტისა და ახალგაზრდობის საქმეთა სამინისტროს ტერიტორია, ანაკლიის ბანაკი, ცხადია, რაც უფრო მეტი ბანაკი გვექნება, მით უკეთესი, ანაკლის ბანაკით დაახლოებით 3000-მდე სკოლის მოსწავლე სარგებლობდა, გაფართოების საშუალება, ახლის აშენების და ა.შ. არ იყო, თუმცა, ამავე დროს, ჩემს უწყებაში მაგალითისთვის, არის პროფესიული სასწავლებლები, რომლებიც შეიძლება, თუ ვიქნებით მჭიდრო კოორდინაციაში, გამოვიყენოთ ზაფხულის პერიოდში იგივე ბანაკების ჩასატარებლად, ვმუშაობთ თავდაცვასთან, იქ არის შესაძლებლობები, რომ მათ კოორდინაციაში გავაკეთოთ რაღაცები, მეტი ეფექტურობა გულისხმობს, რომ ყველა უწყების ცალკე ძალისხმევა კოორდინირებული იყოს, ურთიერთდაკავშირებული და შესაბამისად დახარჯულ ლარზე მეტი ეფექტი მივიღოთ. ეფექტურობის საზომი ეს არის”,-აღნიშნა ალექსანდრე ჯეჯელავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან