საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ დირექტორის მოადგილე გიორგი პაპავა ქალაქ გორის მერს ზურაბ ჯირკველიშვილს შეხვდა. 

შეხვედრაზე მხარეები ყოფილ პატიმართა დასახმარებლად და არასრულწლოვნებში დანაშაულის პრევენციის მიმართულებით მჭიდრო თანამშრომლობაზე შეთანხმდნენ.

როგორც გიორგი პაპავამ განაცხადა, „ყოფილ პატიმართა რეაბილიტაციისა და რესოციალიზაციის პროგრამის“ ეფექტიანად განხორციელებისთვის, მნიშვნელოვანია როგორც სამთავრობო, ისე არასამთავრობო ორგანიზაციების ჩართულობა.

„ჩვენი ცენტრისთვის ძალიან მნიშვნელოვანია რეგიონების ინფორმირება დანაშაულის პრევენციაზე მიმართული პროგრამების შესახებ. გორის მუნიციპალიტეტის წარმომადგენლებთან შეხვედრაზე ძირითადი დრო დაეთმო ყოფილი პატიმრების დასახმარებლად ერთობლივი ღონისძიებების დაგეგმვასა და განხორციელებას. ვიმსჯელეთ იმ თემებზე, თუ როგორ შეიძლება შევქმნათ საერთო რესურსები და სერვისები იმ ადამიანებისთვის, რომლებიც საჭიროებენ ჩვენს თანადგომას“, - განაცხადა გიორგი პაპავამ.

ქალაქ გორის მერმა ზურაბ ჯირკველიშვილმა სრული მხარდაჭერა გამოუცხადა დანაშაულის პრევენციის ცენტრის პროგრამებს.

„ჩვენ ვისაუბრეთ დანაშაულის პრევენციაზე არასრულწლოვნებში და ასევე, ყოფილ პატიმართა რეაბილიტაცია-რესოციალიზაციის საკითხებზე.  ეს პროგრამები სოციალურად ძალიან აქტუალურია. ფაქტია, რომ არსებობენ ასეთი ოჯახები და ადამიანები. მათ უნდა ვუჩვენოთ, რამდენად მნიშვნელოვანები არიან ისინი ჩვენთვის. შევთანხმდით, რომ გავცვლით გეგმებსა და ღონისძიებების ნუსხას, რომ კიდევ უფრო ეფექტიანი იყოს ჩვენი თანამშრომლობა“, - განაცხადა ზურაბ ჯირკველიშვილმა. 

დანაშაულის პრევენციის ცენტრის წარმომადეგნლებმა ანალოგიური გაცნობითი შეხვედრები გამართეს ხაშურის მუნიციპალიტეტშიც.

როგორც ცნობილია, დანაშაულის პრევენციის ცენტრის ერთ-ერთი ძირითადი პროგრამაა ყოფილ პატიმართა რეაბილიტაცია-რესოციალიზაცია. პირველი სახელმწიფო პროგრამის  მიზანია საქართველოში დანაშაულის რეციდივის თავიდან აცილების ხელშეწყობა,  სასჯელაღსრულების დაწესებულებებიდან გათავისუფლებული პირების რეაბილიტაციის ხელშეწყობა, მათი დაბრუნება საზოგადოების სრულუფლებიან წევრებად. ცენტრი ასევე მუშაობს არასრულწოვნებში განრიდება-მედიაციაზე, დანაშაულის ჩადენის რისკფაქტორების მატარებელ არასრულწლოვნებთან და ახორციელებს  პირველადი დანაშაულის პრევენციასთან დაკავშირებულ ღონისძიებებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance: საქართველოს ბანკი მსოფლიოში საუკეთესო AI ბანკია

კახა კალაძე საკონსტიტუციო სარჩელზე: პოლიტიკოსებს ან პოლიტიკურ პარტიებს არაფერი ესაქმებათ პოლიტიკაში

DRI ვახო სანაიაზე: აზრის გამოხატვისთვის დაკავება ეწინააღმდეგება საქართველოს კონსტიტუციას

მედიის ადვოკატირების კოალიცია - მართლმსაჯულების სისტემის გამოყენება კრიტიკული ხმის ჩასახშობად და ჟურნალისტების დასასჯელად