მიტროპოლიტი დიმიტრი დეკანოზ გიორგი მამალაძეზე: ბრალის დამტკიცების შემთხვევაში შეიძლება საუკუნის ტრაგედიად ჩაითვალოს

2017-02-15 10:23:08, 1039 ნახვა

საზოგადოება

ბათუმისა და ლაზეთის მიტროპოლიტი დიმიტრი (შიოლაშვილი) დეკანოზ გიორგი მამალაძის დაკავებას ეხმაურება.

როგორც მიტროპოლიტი აცხადებს, ბრალის დამტკიცების შემთხვევაში, შესაძლოა მომხდარი საუკუნის ტრაგედიად ჩაითვალოს.

„გამოვხატავ ჩემს დიდ გულისტკივილს მომხდარი მოვლენების გამო. ბრალის დამტკიცების შემთხვევაში შეიძლება ჩაითვალოს საუკუნის ტრაგედიად. ველოდებით გამოძიების დასრულებას, რომელსაც ნდობას ვუცხადებთ. ვიმედოვნებთ, კანონის უმკაცრესი სასჯელით დაისჯება ამ ვერაგული განზრახვის ყველა მონაწილე, განურჩევლად მათი სტატუსისა. თხოვნით მოგმართავთ ყველას, გამოძიების დასრულებამდე თავი შეიკავოთ ვარაუდებისაგან“, - წერს მიტროპოლიტი დიმიტრი (შიოლაშვილი) Facebook-ის საკუთარ გვერდზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან