„ევროპული საქართველოს“ ერთ-ერთი ლიდერის გიგი წერეთელის განცხადებით, პატრიარქის შესაძლო მოწამვლის ფაქტთან დაკავშირებით ძალიან ბევრი კითხვის ნიშანია.

როგორც წერეთელმა აღნიშნა, რაც უფრო მეტ ხანს გაგრძელდება გამოძიების პროცესი, დამაჯერებლობის ხარისხი მით უფრო დაიკლებს.

„ჩვენ მოვისმინეთ პროკურატურისგან განცხადებები და მათი გადმოსახედიდან საკმაოდ დამაჯერებლად საუბრობდნენ. ახლა საინტერესოა ახალი ინფორმაცია თუ რა დაადგინა გამოძიებამ. კიდევ ერთხელ ხაზი მინდა გავუსვა, რაც უფრო გაიწელება პროცესი მით უფრო მეტი ვერსია იტრიალებს და მით უფრო დაიკლებს დამაჯერებლობის ხარისხი. პროკურატურის ამოცანა უნდა იყოს რაც შეიძება დროულად გასცეს კითხვებს პასუხი, ეს არ არის მხოლოდ ჩვენი მოთხოვნა არამედ დარწმუნებული ვარ ეს საზოგადოების გამყარებული აზრია. საგამოძიებო მოქმედებების თავლსაზრისით  პრაქტიკულად ინფორმაციული შიმშილია. ვთვლი, რომ ასეთ მნიშვნელოვან საკითხში განცხადებები ყოველ საათში უნდა  კეთდებოდეს. ამ მოვლენებს ბევრი ფიქრი სჭირდება მითუმეტეს მამა გიორგის მიერ გავრცელებულ წერილში გაკეთებული მინიშნებები აღძრავს ეჭვს; რა არის აქ ხელისუფლების როლი და შეიძლება თუ არა იყოს ამაში რაღაც ქონებრივი საკითხები და ა.შ. ძალიან ბევრი კითხვის ნიშანია, ასე არ უნდა გაგრძელდეს“,-განაცხადა წერეთელმა.

საპარლამენტო ოპოზიციის ერთ-ერთმა ლიდერმა პროკურატურას მოუწოდა პატრიარქის შესაძლოა მოწამვლის ფაქტთან დაკავშირებით რაც შეიძლება სწრაფად ჩაატაროს გამოძიება და საზოგადოებას მეტი ინფორმაცია მიაწოდოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ