საპარლამენტო უმრავლესობის წევრის ეკა ბესელიას განცხადებით, საქართველოს პატრიარქის ოპერაცია წარმატებით დასრულდა და ილია მეორე თავს კარგად გრძნობს.

როგორც მან აღნიშნა, პატრიარქი ხვალ უკვე პალატაში იქნება გადაყვანილი.

"სულ რამდენიმე წუთის წინ ვესაუბრე მამა დავითს, რომელიც იმყოფება პატრიარქთან ერთად ბერლინში. გვაქვს კარგი ინფორმაცია, რომ ოპერაციამ კარგად ჩაიარა და პატრიარქი თავს კარგად გრძნობს. დროულად ჩატარდა ყველა აუცილებელი ქირურგიული ჩარევა. რაც მთავარია, შედეგი ძალიან კარგია, პატრიარქი ხვალ უკვე პალატაში იქნება გადაყვანილი, ეს არის  ყველაზე სასიხარულო ინფორმაცია ჩვენთვის",-აღნიშნა ეკა ბესელიამ.

ცნობისთვის, ბერლინში სრულიად საქართველოს კათოლიკოს-პატრიარქის ოპერაცია დასრულდა. როგორც კლინიკის ექიმმა აღნიშნა, ოპერაციამ კარგად ჩაიარა და პატრიარქი თავს კარგად გრძნობს.

შეგახსენებთ, საქართველოს კათოლიკოს-პატრიარქს კლინიკურ-ლაბორატორიული და ინსტრუმენტული გამოკვლევები ჩაუტარდა. მიღებული მონაცემების საფუძველზე ნაღვლის ბუშტის ქირურგიული მეთოდით მკურნალობის აუცილებლობა დადასტურდა.  ილია მეორე გერმანიაში 2 თებერვალს გაემგზავრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ