აზერბაიჯანში სამუშაო ვიზიტის ფარგლებში, საქართველოს იუსტიციის მინისტრი აზერბაიჯანის უზენაეს სასამართლოს ეწვია, სადაც მას თავმჯდომარე რამიზ რზაევმა უმასპინძლა.

უწყების პრესსამსახურის ინფორმაციით, უზენაესი სასამართლოს თავმჯდომარემ საქართველოს იუსტიციის მინისტრს სასამართლოს შენობა დაათვალიერებინა და მისი ფუნქციონირების შესახებ მიაწოდა ინფორმაცია.

მინისტრმა და სასამართლოს თავმჯდომარემ ორ ქვეყანაში სასამართლოს სისტემაში არსებულ ვითარებაზე ისაუბრეს; კერძოდ, საუბარი შეეხო სასამართლოების გადატვირთულობის პრობლემას, მოსამართლეთა კვალიფიკაციის ამაღლების აუცილებლობას, ასევე, ანტინარკოტიკულ პოლიტიკას და სხვ.

იუსტიციის მინისტრის ორდღიანი სამუშაო ვიზიტი აზერბაიჯანში 10 თებერვალს დაიწყო. თეა წულუკიანი ბაქოში აზერბაიჯანელი კოლეგის მიწვევით ჩავიდა. საქართველოს იუსტიციის მინისტრმა შეხვედრები გამართა, ასევე, საგარეო საქმეთა მინისტრთან, აზერბაიჯანის პარლამენტის წევრებთან, არასამთავრობო სექტორთან. მინისტრმა ვიზიტის ფარგლებში პატივი მიაგო აზერბაიჯანის ეროვნული ლიდერის − ჰეიდარ ალიევის, ხსოვნას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა