საერთაშორისო უფლებადამცველი ორგანიზაცია Amnesty International-მა გამოაქვეყნა გამოძიების შედეგები, რომელიც დამასკოსთან ახლოს მდებარე სირიის სამხედრო ციხე საიედნაიაში ადამიანთა სიკვდილით დასჯისა და წამების ფაქტებს ეხება, - ამის შესახებ BBC იუწყება.

ორგანიზაციის ინფორმაციით, 2011 წლის სექტემბრიდან მოყოლებული 2015 წლის დეკემბრის ჩათვლით სასამართლოს გარეშე 5 ათასიდან 13 ათასამდე ადამიანი სიკვდილით დასაჯეს. ასეთი დასკვნები ციხის ყოფილი ადმინისტრაციის თანამშრომლებისა და ყოფილი პატიმრების ჩვენებების საფუძველზე გაკეთდა.

"რთული წარმოსადგენია, რომ მსგავსი მასშტაბური და სისტემატური მოქმედება სანქცირებული არ ყოფილიყო სირიის ხელისუფლების მაღალჩინოსნების მიერ", - აცხადებენ დასკვნის ავტორები.

როგორც ორგანიზაციის დასკვნაშია ნათქვამი, გამოძიების დროს მათ ინტერვიუ აიღეს 31 ყოფილი პატიმრისგან, 4 ციხის თანამშრომლისგან, 3 ყოფილი მოსამართლისგან, 3 ექიმისგან, რომლებიც სამხედრო ჰოსპიტალ ტიშრინში მუშაობდნენ, 4 სირიელი ადვოკატისგან, 17 საერთაშორისო და სირიელი ექსპერტისგან და 22 მოქმედი თუ ყოფილი პატიმრის ოჯახის წევრებისგან.

Amnesty Internationa-ის ცნობით, საიედნაიას ციხეში არსებობს ორი კორპუსი: "წითელი" და "თეთრი".  "წითელ" კორპუსში მყოფ ათასობით დაკავებულს საიდუმლოდ, ყოველგვარი სასამართლოს გარეშე სიკვდილით სჯიდნენ.

Human Rights Data Analysis Group-ის მიხედვით, 2011 წლიდან 2015 წლამდე სირიის სახელმწიფო ციხეებში საშუალოდ თვეში 300-ს ადამიანს კლავდნენ. საერთო ჯამში, ამ ციხეებში 17,7 ათასი ადამიანი მოკლეს.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Euromoney Markets Awards - თიბისი საქართველოში ობლიგაციების ბაზრის საუკეთესო ბანკია

ევროპარლამენტის ვიცე-პრეზიდენტმა ოლეშკიში ჰუმანიტარული კატასტროფის გამო შიმშილობა გამოაცხადა

ტრამპის სპეციალური წარმომადგენელი მოლაპარაკებებისთვის რუსეთში გაემგზავრა

მთავრობის ადმინისტრაცია ილია მეორის დაკრძალვის ხარჯებზე - სარეზერვო ფონდიდან 3 მილიონი გამოიყო, შემდეგ კი ეს თანხა 722 645 ლარამდე დაკორექტირდა და 2 277 355 ლარი ბიუჯეტში დაბრუნდა