მურუსიძე არ აკონკრეტებს ყოფილი ხელისუფლების იმ წარმომადგენლის ვინაობას, რომელმაც მოსამართლეებს შეტყობინება გაუგზავნა

2017-02-03 16:00:07, 1189 ნახვა

საზოგადოება

„უზენაესი სასამართლოს მოსამართლეებს ბესარიონ ალავიძეს და პაატა ქათამაძეს ყოფილი ხელისუფლების მხრიდან მაღალჩინოსნის სახელით მოუვიდათ შეტყობინება“,-ამის შესახებ იუსტიციის უმაღლესი საბჭოს მდივანმა ლევან მურუსიძემ ჟურნალისტებს განუცხადა.

„სამწუხაროა, ჩემთვის ფაქტობრივად ახლა გახდა ცნობილი რეალურად რა შემთხვევას ჰქონდა ადგილი. არც მოსამართლეებს არ მოუმართავს ჩემთვის ამასთან დაკავშირებით. ერთადერთი, რაზეც შემიძლია გითხრათ, რომ საუბარია ყოფილი ხელისუფლების მხრიდან მაღალჩინოსნის სახელით მოუვიდათ აღნიშნულ მოსამართლეებს წერილები, ასევე იყო სატელეფონო შეტყობინება, რომელიც ამ მოსამართლეების მიერ მიტანილი იქნა უზენაესი სასამართლოს ხელმძღვანელთან და გადაგზავნილი იქნა პროკურატურაში,“ - განაცხადა ლევან მურუსიძემ.

ლევან მურუსიძემ უმაღლესი საბჭოს სხდომის დაწყებამდე უზენაესი სასამართლოს თავმჯდომარესთან შეხვედრა გამართა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან