ფრაქცია „ქართული ოცნების” თავმჯდომარე მამუკა მდინარაძე პროპორციულ საარჩევნო სისტემაზე გარკვეული დათქმებით გადასვლის მომხრეა.

"ძალიან დიდი აზრთა სხვადასხვაობაა ამაზე როგორც მმართველ გუნდში, ასევე საზოგადოებაში. ვფიქრობთ, რომ ჩვენი საქმიანობა, რომელიც საბოლოო ჯამში კონსესუსამდე უნდა მივიდეს ამ საკითხთან დაკავშირებით, იქნება წარმატებული.  თუ არ იქნება მაჟორიტარული სისტემა, ავიღოთ, რომელიმე ქვეყნის ანალოგი, ან მიმსგავსებული ანალოგი, რომ ჩვენ არ გამოვიგონოთ ახალი ველოსიპედი და შესაბამისად, ჩვენ გვქონდეს რეფორმა საკონსტიტუციო, რომლის ფარგლებში თუ იქნება გადასვლა მაჟორიტარული საარჩევნო სისტემიდან პროპორციულზე, ამან შექმნას იმის გარანტიები, რომ ეს არ გამოიწვევს კრიზისს, გაურკვევლობებს. ამ შემთვევაში ჩვენ ვფიქრობთ, რომ შესაძლებელია შევთანხმდეთ ამ პრინციპზეც", - განმარტა მამუკა მდინარაძემ.

ამასთან, დეპუტატმა აღნიშნა, რომ საარჩევნო ბარიერის  დაწევას მხარს არ უჭერს:

"ჩემი მხრიდან ამაზე თანხმობა არ იქნება, იქიდან გამომდინარე, რომ ეს გარკვეულ პრობლემებს ქმნის ხოლმე და ამის უამრავი პრეცედენტია თანამედროვე მსოფლიოში. აქედან გამომდინარე ეს არის ერთ-ერთი არგუმენტი, რომ არ დავეთანხმებით 5%-იანი ბარიერის დაწევას", - აღნიშნა მდინარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ

კობახიძე: დღეს საქართველო არის დამოუკიდებელი და სუვერენული, როგორც არასდროს

ყაველაშვილი: კარგად უნდა გავაცნობიეროთ, დამოუკიდებლობა არაა სამუდამოდ ბოძებული მოცემულობა