საქართველოს სახალხო დამცველის უჩა ნანუაშვილის განცხადებით, საქართველომ ყველაფერი უნდა გააკეთოს იმისთვის, რომ უკრაინაში დაკავებული ქართველი სამხედრო გიორგი ცერცვაძე, მტრულად განწყობილ ქვეყანას - რუსეთს არ გადაეცეს. 

ნანუაშვილის თქმით, ოფიციალური თბილისი ვალდებულია, საკუთარი მოქალაქის უფლებები დაიცვას. 

როგორც ომბუდსმენმა აღნიშნა, თუ უკრაინაში ცერცვაძის საქმიანობაში დანაშაულებრივი ნიშნები იკვეთება, ქართულმა მართლმსაჯულებამ უნდა იმსჯელოს. 

ს​ახალხო დამცველის განმარტებით, უკრაინაში დაკავებულ ქართველ სამხედროზე ურთიერთსაწინააღმდეგო ინფორმაცია ვრცელდება და სახალხო დამცველის აპარატი ამ პროცესს ყურადღებით დააკვირდება. 

შეგახსენებთ, რომ გია ცერცვაძე უკრაინაში რამდენიმე დღის წინ დაიჭირეს. მას 40 დღიანი წინასწარი პატიმრობა აქვს შეფარდებული. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში 21 აგვისტო გლოვის დღედ გამოცხადდა

ზელენსკი: სანამ უკრაინას არ ექნება საკმარისი ანტიბალისტიკური თავდაცვა, რუსეთი სერიოზულად არ განიხილავს მშვიდობას

ქარელში თანასოფლელი მძიმედ დაჭრა - შიდა ქართლის პოლიციამ 1 პირი დააკავა

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის