,,თავისუფალი ზონის“ წევრებმა ბიძინა ივანიშვილის რეზიდენციასთან აქცია-პერფორმასი გამართეს

2015-03-29 15:37:59, 564 ნახვა

პოლიტიკა

არასამთავრობო ორგანიზაცია ,,თავისუფალი ზონის“ წევრებმა ყოფილ პრემიერ-მინისტრის, ბიძინა ივანიშვილის, რეზიდენციასთან აქცია-პერფორმასი გამართეს.

ნიღბებში გამოწყობილმა აქციის მონაწილეებმა რეზიდენციასთან ყვავილების გვირგვინი მიიტანეს და ბიძინა ივანიშვილის გამოსახულებიანი ლარი დაიტირეს. ამ ფორმით მათ ქვეყანაში არსებული ეკონომიკური ვითარება გააპროტესტეს.

,,22 წლიანი სიცოცხლის შემდეგ, ორ წლიანი მძიმე ავადმყოფობის შედეგად, ლარი გარდაიცვალა და ჩვენ გვინდა, რომ ეს ბატონ ბიძინა ივანიშვილს ვუთხათ- ჩვენ ეროვნულ ვალუტას დავტირით. “,- განაცხადა აქციის ერთ-ერთმა მონაწილემ.

რეზიდენციასთან შეკრებილებმა დღევანდელი მთავრობის გადადგომაც მოითხოვეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან