ჯეჯელავა: სკოლებში სანიტარული ნორმების დარღვევის შემთხვევაში, დირექტორების პასუხისმგებლობის საკითხი დადგება

2017-01-17 12:58:38, 1813 ნახვა

კომენტარი

„სკოლებში სანიტარული ნორმების დარღვევის შემთხვევაში დირექტორების პასუხისმგებლობის საკითხი აუცილებლად დადგება“, - ამის შესახებ განათლებისა და მეცნიერების მინისტრმა ალექსანდრე ჯეჯელავამ ჟურნალისტებს განუცხადა.

როგორც მინისტრმა აღნიშნა, ბევრ სკოლაში აუთვისებელი ბიუჯეტის პირობებში სველი წერტილების პრობლემა კვლავ რჩება.

„ასე ვთქვათ, ყველა მიმართულებით შევუტიოთ ჰიგიენტის საკითხს. ჩვენ დირექტორებს ვთხოვეთ, რომ რა დონეზეც არის შესაძლებელი მათი არსებული ინფრასტრუქტურით მოწესრიგება და სისუფთავე, ამისთვის ყველაფერი გააკეთონ. ეს ჩვენი დავალებაც არის, თხოვნაც და მოთხოვნაც. დირექტორების პასუხისმგებლობის საკითხი აუცილებლად დადგება იმ შემთხვევაში, თუ სველი წერტილების მოწესრიგება არ მოხდება. ჩვენი მხრიდან რა თქმა უნდა ბიუჯეტის კუთხით მხარდაჭერა ექნებათ“,-განაცხადა ალექსანდრე ჯეჯელავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან