2017-01-16 16:50:38, 2673 ნახვა
ეკონომიკა საზოგადოება
ლარი დოლართან და ევროსთან მიმართებაში გამყარებას განაგრძობს
ლარი დოლართან და ევროსთან მიმართებაში გამყარდა.
ეროვნული ბანკის მიერ დადგენილი ლარის ახალი ოფიციალური გაცვლითი კურსის თანახმად, 1 დოლარი ხვალ, 2.7084 ლარი ეღირება, დღემდე მოქმედი კურსით კი 2.7211 ლარი ღირს. კურსის ცვლილებამ დოლართან მიმართებაში 0.0127 ლარი შეადგინა.
რაც შეეხება ევროს, ლარი ევროსთან მიმართებაშიც გამყარდა. 1 ევრო ხვალ, 2.8695 ლარი ეღირება, დღემდე მოქმედი კურსით კი, მისი ღირებულება 2.8961 ლარს შეადგენს. შესაბამისად, კურსის ცვლილებამ ევროსთან მიმართებაში 0.0266 ლარი შეადგინა.
ცნობისთვის, ლარი ყველა ვალუტასთან მიმართებაში გამყარდა, გარდა თურქული ლირისა და ეგვიპტური გირვანქისა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
