საზოგადოებრივი მაუწყებლის ახალი გენერალური დირექტორის ვასილ მაღლაფერიძის განცხადებით, ტელევიზია მედიაბაზარზე ერთ-ერთი ძირითადი მოთამაშე უნდა გახდეს.

როგორც მაღლაფერიძემ „მოამბესთან“ საუბარში აღნიშნა, მისი ძირითადი საყრდენი საზოგადოებრივ მაუწყებელში არსებული ინტელექტუალური რესურსი იქნება.

მაღლაფერიძე ასევე, არსებულ მენეჯმენტში ცვლილებებს არ გამორიცხავს.

„ორშაბათიდან უნდა დავიწყოთ ინვენტარიზაცია და აღვწეროთ, რა შესაძლებლობები გაგვაჩნია. დავიწყებთ გრძელვადიანი გეგმის შედგენას, რომელშიც ყველა აქტივობა არსებული მდგომარეობის გათვალისწინებით, ზუსტად იქნება გაწერილი. უმოკლესი გზა უნდა დავსახოთ, როგორ შევძლებთ ბაზრის ძირითად მოთამაშეებად გახდომას“, -განაცხადა  მაღლაფერიძემ.

ცნობისთვის, საზოგადოებრივი მაუწყებლის გენერალურ დირექტორად ვასილ მაღლაფერიძე აირჩიეს.

ახალი გენდირექტორის გამოსავლენად, სამეურვეო საბჭოს სხდომა გაიმართა, რომელზეც განმეორებითი კენჭისყრისას ვასილ მაღლაფერიძე 6 ხმით აირჩიეს. მეორე კანდიდატმა თინათინ ბერძენიშვილმა 2 ხმა მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში

ხორვატია, ბულგარეთი და სერბეთი საქართველოს დამოუკიდებლობის დღეს ულოცავენ

ჩინეთის პრემიერი ლი ციანი - ჩინეთ-საქართველოს სტრატეგიული პარტნიორობა კარგად ვითარდება

ერდოღანი - ვულოცავთ ქართველ ხალხს, მეზობელი და მეგობარი საქართველოს დამოუკიდებლობის დღეს