ბათუმში საახალწლო ღონისძიებები დასრულდა.

აჭარის ტურიზმისა და კურორტების დეპარტამენტის ინფორმაციით,  25 დეკემბრიდან 2 იანვრის ჩათვლით, ღონისძიებების მთავარი ეპიცენტრი ევროპის მოედანი განსაკუთრებული ხალხმრავლობით გამოირჩეოდა.

მათივე ინფორმაციით,  მოედანი თავისი საახალწლო ეზოთი, ქალაქის მთავარი ნაძვის ხითა და მრავალფეროვანი საკონცერტო პროგრამით ბათუმელებისა და ქალაქის სტუმრების თავშეყრის საყვარელ ადგილად იქცა.

აჭარის ტურიზმის დეპარტამენტმა, მთლიანი საახალწლო პროგრამა ერთიანი პიარკამპანიის „#გარეთკაია“ ფარგლებში გააერთიანა, რასაც პოზიტიური გამოხმაურება მოჰყვა სოციალურ ქსელსა და მედიაში.  

დეპარტამენტის facebook გვერდზე visitbatumi პოსტების წვდომამ 25 დეკემბრიდან 2 იანვრის ჩათვლით 1 065 111 მიაღწია, ჩართულობამ კი 56 109-ს. 

წელს, საახალწლო ღონისძიებებზე განსაკუთრებული მოწონება და ჩართულობა გათამაშებებმა გამოიწვია, რომელიც „საახალწლო ეზოს პასპორტი“-თ 1-2 იანვარს გაიმართა. გათამაშებაში მონაწილეობა 1191-მა ადამიანმა მიიღო, პრიზები და საჩუქრები კი 14-მა ადამიანმა მოიგო. გათამაშებების მთავარი პრიზი იყო კურორტ „გოდერძი“-ს ორკაციანი, ორდღიანი საგზური, რომელიც თინატინ ეგუტიძემ და თამარ არძენაძემ მოიგეს. საგზურის გარდა საახალწლო ეზოს პასპორტით აჭარაში არსებული მაღალი კლასის სასტუმროებისა და რესტორნების მიერ დაწესებული პრიზები გათამაშდა. („ჰილტონი“, „რედისონ ბლუ ბათუმი“, „კოლიზეუმ მარინა“, „კასტელო მარე“, „ინტურისტ პალასი“, „ეუფორია“, „დივან სუიტი“, „ტერასა ასკანელი“ და „რენე“).

„საახალწლო ეზოს პასპორტი იყო სასიამოვნო სიახლე ჩვენი სტუმრებისთვის, რადგან ის გარდა აფიშისა იყო ბილეთი სხვადასხვა პრიზებისა და საჩუქრების მისაღებად. ჩვენ მოხარულები ვართ, რომ საახალწლო ეზოს პასპორტის აქციამ გაამართლა და მასში ბევრი ადამიანი ჩაერთო. შეგვიძლია ვთქვათ, რომ ასევე წარმატებული იყო ჩვენი პიარკამპანია #გარეთკაია, რაზეც სოციალურ ქსელში ჩვენი თანაქალაქელებისა და არამარტო მათ მიერ ყოველდღიუღ რეჟიმში გამოქვეყნებული ათასობით პოსტი და კომენტარი მეტყველებს. პოზიტიურ დამოკიდებულებასა და ადამიანების ჩართულობას რა თქმა უნდა ხელი შეუწყო იმ თბილმა გარემომ, რაც ევროპის მოედანზე საახალწლო ეზოთი, დეკორაციებითა და საკონცერტო პროგრამით შეიქმნა. ევროპის მოედანი 25 დეკემბრიდან 2 იანვრის ჩათვლით ნამდვილად იყო ახალი წლის პოზიტიური განწყობისა და დადებითი ემოციების მიღების ადგილი,“ -განაცხადა აჭარის ტურიზმის დეპარტამენტის პიარისა და რეკლამის განყოფილების უფროსმა ქეთევან დოჭვირმა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს