ახალი წლის ღამეს, სტამბოლში მდებარე ღამის კლუბ Reina-ზე თავდასხმაში ეჭვმიტანილის სახელი ცნობილია, - ამის შესახებ ინფორმაციას თურქული მედია ავრცელებს.

ეჭვმიტანილი ყირგიზეთის მკვიდრი, 28 წლის ლაქჰე მაშრაპოვია.

არსებული ინფორმაციით, იგი გასული წლის ნოემბერში, თურქეთის ქალაქ კონიეში მეუღლესთან და 2 შვილთან ერთად ჩავიდა. არსებული ინფორმაციით, მაშრაპოვი ტერორისტული საქმიანობით იყო დაკავებული.

ამასთან, ყირგიზეთის სახელმწიფო უსაფრთხოების დეპარტამენტის განცხადებით, უწყება ქვეყნის მოქალაქის შესახებ მასალებს აგროვებს, რათა სტამბოლში ტერაქტთან კავშირი გადაამოწმოს.

შეგახსენებთ, სტამბოლში მდებარე ღამის კლუბ Reina-ზე თავდასხმა ახალი წლის ღამეს მოხდა. შეიარაღებულმა ტერორისტმა ცეცხლი ჯერ კლუბის დაცვას გაუხსნა, შემდეგ კი შენობაში შევარდა სადაც 700-მდე ადამიანი იმყოფებოდა. თავდასხმის შედეგად 39 ადამიანი დაიღუპა, 70-მდე კი მძიმედ დაშავდა. თავდამსხმელი ამ დრომდე თავისუფალია.

ცნობისთვის, ტერაქტზე პასუხისმგებლობა "ისლამურმა სახელმწიფომ" აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა