მთავრობის გადაწყვეტილებით, მაღალმთიანი დასახლების საწარმოს სტატუსი დამატებით 38 გადამხდელს მიენიჭა, რომლებიც სამეწარმეო საქმიანობას ნინოწმინდის, ბორჯომის, ამბროლაურის, წალკის, ქედას, თეთრიწყაროს, ახალციხის, სიღნაღის, ადიგენის, ახალქალაქის, ასპინძის, დმანისის, ცაგერისა და ყაზბეგის მუნიციპალიტეტებში ეწევიან.

როგორც „ექსპრესნიუსს“ ფინანსთა სამინისტროდან აცნობეს, აღნიშნული საწარმოების საქმიანობა მოიცავს ისეთ სფეროებს როგორებიცაა: რძის წარმოება-გადამუშავება; ხე-ტყის გადამუშავება; მეტალო-პლასტმასის კარ-ფანჯრის წარმოება; თაბაშირის მადნის გადამუშავება; ავეჯის წარმოება; ხილის, წვენების და ზეთების წარმოება; პურის ნაწარმის ცხობა; მევენახეობა; მეფრინველეობა; მეცხოველეობა და სხვა.

ამჟამად, მაღალმთიანი საწარმოს სტატუსით ჯამში 149 მეწარმე სარგებლობს.

მაღალმთიანი საწარმოს სტატუსის მქონე მეწარმე ფიზიკური პირები თავისუფლდებიან ქონებისა და საშემოსავლო გადასახადისგან, ხოლო იურიდიული პირები - ქონებისა და მოგების გადასახადისგან.

მაღალმთიანი დასახლების საწარმოს სტატუსის მისაღებად, მეწარმე სუბიექტმა განცხადებით (წერილობითი ან ელექტრონული ფორმით) უნდა მიმართოს საქართველოს ფინანსთა სამინისტროს შემოსავლების სამსახურს.

დამატებითი ინფორმაციისთვის იხილეთ: http://gov.ge/s/dcc80

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად