თბილისის საბავშვო ბაღებში ზამთრის არდადეგები დაიწყო

2016-12-29 15:23:24, 1110 ნახვა

საზოგადოება

დღეიდან თბილისის საჯარო საბავშვო ბაგა-ბაღებში ზამთრის არდადეგები დაიწყო.

თბილისის მერიის ინფორმაციით, არდადეგებს წინ საახალწლო ღონისძიებები უსწრებდა, რომელიც ყველა საბავშვო ბაღში ჩატარდა.

ახალი წლის მოახლოება ბაღებში ტრადიციული ზეიმებით აღინიშნა, სადაც პატარებმა საკუთარი შემოქმედება წარმოადგინეს და სხვადასხვა ზღაპრისა თუ მულტფილმის გმირი განასახიერეს.

შესრულდა მუსიკალური და ქორეოგრაფიული ნომრები. ბავშვების მხიარულ წინასაახალწლო განწყობაზე თოვლის პაპებმა და სანტა კლაუსებმაც იზრუნეს.

ყველა ბაღის აღსაზრდელს თბილისის საბავშვო ბაგა-ბაღების მართვის სააგენტოსგან საჩუქრები გადაეცა.

სასწავლო-სააღმზრდელო პროცესი თბილისის ყველა საჯარო საბავშვო ბაგა-ბაღში 2017 წლის 9 იანვარს განახლდება.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან