შინაგან საქმეთა მინისტრი გიორგი მღებრიშვილი საქართველოში ბულგარეთის რესპუბლიკის ახალ ელჩს დესისლავა ივანოვას შეხვდა.

შსს-ს ინფორმაციით, შეხვედრაზე ორი ქვეყნის სამართალდამცავ ორგანოებს შორის არსებული მჭიდრო და ნაყოფიერი თანამშრომლობის შესახებ ისაუბრეს.

როგორც გიორგი მღებრიშვილმა აღნიშნა, საქართველოს შსს-ს ბულგარეთის მხარესთან სამართლდაცვით სფეროში მნიშვნელოვანი საერთაშორისო ხელშეკრულებები აქვს გაფორმებული, რის საფუძველზეც ეფექტური თანამშრომლობა ხორციელდება. საქართველოს შს მინისტრმა ხაზი გაუსვა 2015 წელს ბულგარეთის რესპუბლიკის ვიცე-პრემიერისა და შინაგან საქმეთა მინისტრის, რუმიანა ბაჩვაროვას ვიზიტის ფარგლებში ხელმოწერილი ხელშეკრულების - „საქართველოსა და ბულგარეთის რესპუბლიკას შორის საგანგებო სიტუაციებისგან დაცვის სფეროში თანამშრომლობის შესახებ“ მნიშვნელობას.

გიორგი მღებრიშვილმა და დესისლავა ივანოვამ საქართველოსა და ევროპოლს შორის ოპერატიული და სტრატეგიული თანამშრომლობის შესახებ შეთანხმების საფუძველზე საქართველოსა და ბულგარეთის სამომავლო თანამშრომლობის პერსპექტივები განიხილეს. აღნიშნული შეთანხმების ძალაში შესვლის შემდეგ საქართველო ევროპოლის ოპერატიული პარტნიორი ქვეყანა გახდება.

შს მინისტრი ბულგარეთის ელჩს სამინისტროს ახალი დეპარტამენტის - ერთობლივი ოპერაციების ცენტრის შესახებ ესაუბრა, მისი მუშაობის პრინციპები და დანიშნულება გააცნო.

შეხვედრის დასასრულს, გიორგი მღებრიშვილმა დესისლავა ივანოვას, შს სამინისტროს სახელით, საქართველოს ევროკავშირთან დაახლოების პროცესში მხარდაჭერისა და შეტანილი წვლილისათვის მადლობა გადაუხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს

თურქეთმა რუსებისთვის ბინადრობის ნებართვის მიღების საფასური თითქმის 15-ჯერ გაზარდა

ბათუმში სამსართულიან საცხოვრებელ სახლში ხანძარია