არგენტინის ფინანსთა მინისტრი პოსტს ტოვებს

2016-12-27 14:45:40, 2723 ნახვა

მსოფლიო

არგენტინის ფინანსთა მინისტრი თანამდებობას ტოვებს, - ამის შესახებ ადგილობრივი მედია უუწყება.

მედიის ცნობით, ალფონსო პრატ-გაის გადაწყვეტილება “ნებაყოფლობით-იძულებულია".

როგორც მინისტრთა კაბინეტში აცხადებენ, ქვეყნის რეცესიიდან გამოსაყვანად ფინანსთა სამინისტრო ორ უწყებად უნდა გაიყოს, რომლებიც სხვადსახვა მიმართულებით იმუშავებენ.

ცნობისთვის, ალფონსო პრატ-გაი, რომელიც წარსულში არგენტინის ცენტრალურ ბანკს ხელმძღვანელობდა, ფინანსთა მინისტრი გასულ წელს გახდა. მისი გადადგომის შესახებ გადაწყვეტილება სოციალური მღელვარების ფონზე იქნა მიღებული. მოსახლეობის უკმაყოფილება მტკივნეულმა ეკონომიკურმა რეფორმება გამოიწვიეს.

ხელისუფლებაში მაურისიო მაკრის მოსვლის შემდეგ არგენტინა ეკონომიკურ კრიზისს განიცდის. პრეზიდენტმა ბაზრის რეფორმა გაატარა, რომელიც არგენტინის კონკურენტუნარიანობის გაზრდისა და ინფლაციის შემცირებისკენ იყო მიმართული. თუმცა ამჟამინდელი მდგომარეობა შემაშფოთებელია: სტატისტიკის თანხმად, ქვეყნის მოსახლოების მესამედი სიღარიბის ზღვარზე იმყოფება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან