თბილისში საქართველოს მთავრობასა და ყატარის სახელმწიფოს მთავრობას შორის ორმხრივი მოლაპარაკებების მორიგი რაუნდი გაიმართა, სადაც მხარეებმა ორ ქვეყანას შორის ინვესტიციების ორმხრივად ხელშეწყობისა და დაცვის შესახებ შეთანხმების პროექტის ტექსტთან დაკავშირებით  შეთანხმებას მიაღწიეს. ამის შესახებ "ექსპრესნიუსს" ეკონომიკის სამინისტროდან აცნობეს.

უწყების ინფორმაციით, საქართველოს დელეგაციას  ეკონომიკისა და მდგრადი განვითარების მინისტრის მოადგილე გენადი არველაძე  ხელმძღვანელობდა, ხოლო  ყატარის დელეგაციას კატარის ეკონომიკისა და კომერციის მინისტრის უფროსი მრჩეველი ხალედ ალ დერბესტი.

გენადი არველაძის განცხადებით, აღნიშნული შეთანხმების ძალაში შესვლის შემდეგ ხელი შეეწყობა მხარეთა შორის საინვესტიციო საქმიანობის განვითარებას, რაც ასევე, თავის მხრივ გაზრდის ინტერესს ყატარის მხრიდან ინვესტიციების შემოდინების, კერძო კაპიტალის მოძრაობის და სამეწარმეო ინიციატივების სტიმულირების მიმართულებით.

მსგავსი ხასიათის ორმხრივი შეთანხმებები საქართველოს გაფორმებული აქვს 32 ქვეყანასთან.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს