შორენა თეთრუაშვილი არა მოიხსნას, არამედ უნდა ჩამოცილდეს მართვა-გამგეობას საქართველოს საპატრიარქოსი, - ამის შესახებ ჭყონდიდელმა მიტროპოლიტმა, მეუფე პეტრე ცაავამ ტელეკომპანია ”იმედის” ეთერში განაცხადა.

მისი განცხადებით, თეთრუაშვილის "ჩამოცილების" მცდელობა გასულ წელს იყო, თუმცა, მისი თქმით, რაღაც გარკვეული მიზეზების გამო,პატრიარქი დაარწმუნეს გარკვეულმა ადამიანებმა, რომ "ეს ქალბატონი" საჭიროა დედა ეკლესიაში ამ მდგომარეობით, რაც, მას მიაჩნია ძალიან დიდ უხერხულ მდგომარეობად.

”მისი უწმინდესობა უნდა დარწმუნდეს ამაში და გადადგას ეს გამბედავი ნაბიჯი, როგორც მას ჩვევია. იყო ამის მცდელობა შარშან ამ დროს, სინოდის სხდომის შემდეგ. რაღაც გარკვეული მიზეზების გამო, რასაც ვეძახი მე საქართველოს ეკლესიის ინტერესების ღალატს, პატრიარქი დაარწმუნეს გარკვეულმა ადამიანებმა, რომ ეს ქალბატონი საჭიროა დედა ეკლესიაში ამ მდგომარეობით, რაც, რა თქმა უნდა, მიმაჩნია ძალიან დიდ უხერხულ მდგომარეობად. მე კიდევ ერთხელ ვთქვი და შევახსენე მის უწმინდესობას მამა-შვილური დამოკიდებულებით. არა მოიხსნას, არამედ უნდა ჩამოცილდეს მართვა-გამგეობას საქართველოს საპატრიარქოსი”, - განაცხადა მეუფემ. 

როგორც მან აღნიშნა, შორენა თეთრუაშვილს განუსაზღვრელი ძალაუფლება აქვს, მისივე განმარტებით, მას ერთპიროვნულად შეუძლია მიიღოს გადაწყვეტილებები საქართველოს საპატრიარქოს სახელით.

”განუსაზღვრელია ძალაუფლება, როდესაც მას ერთპიროვნულად შეუძლია მიიღოს გადაწყვეტილებები საქართველოს საპატრიარქოს სახელით. განუსაზღვრელია ძალაუფლება, როდესაც რიგი სასულიერო პირებისა და მაღალი იერარქებისა უფრო მეტად ასრულებენ მის დავალებას, ვიდრე საქართველოს ეკლესიის მმართველი კათოლიკოს-პატრიარქისა”, - აღნიშნა მეუფემ. 

მისივე თქმით, პატრიარქის მდივან-რეფერენტ შორენა თეთრუაშვილს დღეს სამართლიანად უწოდა ”რუხი კარდინალი”. 

​”ვუწოდე სამართლიანად. როდესაც ჩვენ ვსაუბრობთ ეკლესიაში არსებულ პრობლემებზე და არაერთგზის, განსაკუთრებით ბოლო წლების განმავლობაში, ბევრი შეკითხვაა ხოლმე პასუხგაუცემელი და ბურუსით მოცული. ნამდვილად ჩავთვალე საჭიროდ, რომ საზოგადოებამ იცოდეს ის, რაც არაერთხელ გვითქვამს სინოდის სხდომაზე, რომ პრობლემა არის ამ ქალბატონის ხელში არსებული დიდი ძალაუფლება. ეს აუცილებლად უნდა გამოსწორდეს და ამ გამოსწორებას ეკლესიაში მდგომარეობის გაჯანსაღება მოჰყვება”, - განაცხადა მეუფემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მე არ შემიძლია ნეიტრალური ვიყო“ - კრისტინ ლაგარდი ხსნის ევროპის ცენტრალური ბანკიდან ნაადრევ წასვლას

სამმა ამერიკულმა მედიასაშუალებამ ჟურნალისტებისთვის დაწესებული შეზღუდვების გამო ტრამპის ადმინისტრაციის წინააღმდეგ კვლავ შეიტანა სარჩელი

მსახიობი პატრიკ სტიუარტი გარდაიცვალა

თბილისში დაგეგმილ MMA-ის მსოფლიო ჩემპიონატში მონაწილეობას 64 რუსი სპორტსმენი მიიღებს