უკრაინაში ბინების ძარცვაში ეჭვმიტანილი საქართველოს ოთხი მოქალაქე დააკავეს

2016-12-22 09:05:01, 2685 ნახვა

მსოფლიო

უკრაინის ხერსონის ადმინისტრაციულ ოლქში ბინების ძარცვაში ეჭვმიტანილი საქართველოს 4 მოქალაქე დააკავეს, - ამის შესახებ უკრაინული მედია იუწყება.

მედია საშუალების ინფორმაციით, 20 დეკემბერს, 2 საათის განმავლობაში საქართველოს მოქალაქეებმა 3 ბინა გაძარცვეს. მათ ფული, ოქროს სამკაულები, მობილური ტელეფონები და პლანშეტები მოიპარეს.

ქართველები, რომლებსაც უკრაინაში 2017 წლამდე ცხოვრების უფლება ჰქონდათ, სპეცოპერაციის დროს დააკავეს, ისინი მიმალვას ცდილობდნენ და მათ ნაძარცვი თან ჰქონდათ.

სამართალდამცველების ცნობით, აქვთ მტკიცებულებები, რომ ეს დაჯგუფება უკრაინის ტერიტორიაზე გადაადგილდებოდა და ბინებს ძარცვავდა

სააგენტს ინფორმაციით, დაკავებულები 25-დან 30 წლამდე ასაკის არიან, ხერსონში დეკმებრის დასაწყისიდან იმყოფებოდნენ, სადაც ნაქირავებ ბინაში ცხოვრობდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან