აჭარაში ხარისხის ნიშნის „რეკომენდებულია ტურიზმის დეპარტამენტის მიერ“ მქონე ტურისტულ ობიექტებს 16 ახალი ობიექტი შეემატა.

დღეს, აჭარის ტურიზმის დეპარტამენტში 5 კვებისა და 11 განთავსების ობიექტს ხარისხის ნიშანი საზეიმოდ გადაეცათ, რითაც „რეკომენდებული“ ტურისტული ობიექტების რიცხვი აჭარაში 62-მდე გაიზარდა.

„რეკომენდებულია ტურიზმის დეპარტამენტის მიერ“ არის ინოვაციური პროექტი, რაც ხარისხის ნიშნის მქონე ობიექტებში უსაფრთხოების, სანდასუფთავების, ჰიგიენისა და ტექნიკური სტანდარტების გარანტიას გულისხმობს. პროექტში წლის განმავლობაში სულ 106 სასტუმრო, რესტორანი და კაფე დარეგისტრირდა, თუმცა საერთაშორისო კრიტერიუმების დაკმაყოფილება მხოლოდ 62-მა შეძლო.

აჭარის ტურიზმის დეპარტამენტის მონიტორინგის ჯგუფი პროექტში ჩართულ ობიექტებში უსაფრთხოების, სანდასუფთავების, ჰიგიენისა და მომსახურების მინიმალურ სტანდარტებსა და საერთაშორისო კრიტერიუმებთან შესაბამისობას ამოწმებდა. კრიტერიუმები მსოფლიოში აღიარებულ HotRec, Hot Star union 21 პრინციპს ემყარება. პროექტი 2016 წელს დაიწყო და შემდეგ წელსაც გაგრძელდება. კრიტერიუმებისა და რეკომენდებული ტურისტული ობიექტების შესახებ დეტალური ინფორმაცია განთავსებულია  ვებ-გვერდზე Recommend.ge. 

„რეკომენდებულია ტურიზმის დეპარტამენტის მიერ“ - 16 ახალი ობიექტი

კვების ობიექტები: 1. რესტორანი “BK“; 2. რესტორანი  “ბელა კოსტა”; 3. რესტორანი  “კიევლანოჩკა”; 4. კაფე  “ლა ბრიოში”; 5. კაფე  “პრეზიდენტი”.

განთავსების ობიექტები: 1. სასტუმრო „სპუტნიკი“; 2. სასტუმრო „ბლექ სი სტარი“; 3. სასტუმრო „გრანდ რიქსოს პალასი“; 4. სასტუმრო „ჰოტელ პლაზა“; 5. სასტუმრო „კასტელო მარე და ვაილნეს რიზორტი“; 6. სასტუმრო „ქორნერ ინნ“; 7. სასტუმრო „პრეზიდენტი“; 8. სასტუმრო „სანაპირო“; 9.  სასტუმრო „სასტუმრო 19“; 10. სასტუმრო „სითი სტარი“; 11. სასტუმრო „ეიფორია“.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს